廣東省涼茶養生博物館（粵拼：gwong2 dung1 saang2 loeng4 caa4 joeng5 sang1 bok3 mat6 gun2） 係中國廣東廣州嘅一間以涼茶同植物做歷史同生物展覽嘅博物館，2008年成立[1]，位置喺黃埔區廣州科學城嘅香雪製藥工廠入面。
佢亦係香雪製藥屬下嘅博物館。
間嘢佔地21500m²，入面分成博物館同室外芳草園兩大部分，夾埋有20個展區。出名嘅有涼茶典故區、配藥區、藥材氣味辨別區、養生運動體驗區、現代涼茶展示區、珍貴藥材展示區，遊客互動區。
禮拜二到日10:00～17:00，每個禮拜一閉館，節假日照常開檔。
