廣東革命歷史博物館

座標: 23°7′52.2″N 113°16′41.35″E / 23.131167°N 113.2781528°E / 23.131167; 113.2781528

 廣東革命歷史博物館粵拼gwong2 dung1 gaak3 ming6 lik6 si2 bok3 mat6 gun2英文Guangdong Museum of Revolutionary History),又叫廣州近代史博物館gwong2 zau1 gan6 doi6 si2 bok3 mat6 gun2英文Guangdong Modern History Museum),係中國廣東省廣州市嘅一間革命歷史博物館,喺越秀區烈士陵園嘅西門南邊冇幾遠嗰度。佢重係廣東省同廣州市嘅愛國主義教育基地同埋廣州市嘅黨員教育基地。呢間建築係由1909年9月份嘅廣東諮政局演變而成嘅。

廣東諮議局舊址
中華人民共和國
全國重點文物保護單位
喺邊中國 中國廣東省廣州市
近現代緊要史跡同代表性建築
時代民國
6-1019
登錄2006年
地圖
Map

編輯

清末同民國時期 編輯

喺1909年9月,嗰時清政府諗住整憲法出嚟,結果就揀咗喺而家嘅烈士陵園嘅西門南邊冇幾遠嗰度起咗間廣東諮政局出嚟。就喺呢兩年入面先後提過同彈劾官吏、社會治安、教育同工商有關嘅147件議案。喺1911年11月嘅武昌起義之後,廣東入面各個界嘅代表就喺呢度搞集會宣佈脫離清政府而成立咗廣東軍政府出嚟。之後廣東諮政局就先後攞咗嚟做廣東省議會同非常國會嘅辦公地。中華民國成立咗之後,呢度先後都攞咗嚟做廣東省臨時議會同正式議會嘅地區。

呢度曾經都出國震驚全中國嘅大事——分別係1917年嘅護法國會同議員嚟咗廣東,搬咗入去廣東省議會嘅同時,孫中山都喺1917年同1921年俾人揀咗甚至宣埋誓做中華民國軍政府海陸軍大元帥同中華民國政府嘅非常大總統。喺1925年9月底到1926年12月,呢度曾經變咗中國國民黨中央執行委員會嘅地區。嗰時兩黨入面好多位出名嘅人(例如宋慶齡何香凝汪精衛胡漢民徐崇智蔣介石譚延闓毛澤東劉少奇周恩來譚平山李富春、及鄧穎超等人)嚟過呢度做嘢或搞活動。喺1926年,中國國民黨第二次全國代表大會、第三次全國勞動代表大會、中國國民黨政治講習班同埋婦女運動講習所、華僑運動講習所、及中國國民黨廣東省第二次代表大會等一系列好緊要嘅大會就喺呢度開過。而喺嗰年之後,呢度曾經變咗中國國民黨廣東省黨部、廣東省參議會所、建國粵軍司令部、黃埔同學會、中國國民黨中央政治廣州分會、廣東省議會嘅開會地區。

中華人民共和國成立咗之後 編輯

  • 1949年11月:中國新民主主義青年團華南工作委員會就喺呢度搞過。
  • 1959年10月1號:廣東革命歷史博物館先至正式成立。嗰日重第一次對外開放,搞咗一系列同廣東人民革命鬥爭有關嘅展覽。
  • 1966年6月:由於爆咗單文化大革命,博物館就閂咗門差唔多成14年咁耐,直到1980年3月先至恢復返。
  • 1986年:間博物館就修改咗啲展覽嘅嘢,而第二年(1987年)就正式開放。
  • 1993年:由於博物館俾政府話咗係危樓,結果又要閂門嚟裝修。而政府啲人喺1994年負責出錢嚟裝修返間嘢。
  • 1996年7月23號:呢間嘢俾廣州市編制委員會嘅批准,喺原嚟廣東革命歷史博物館嘅基礎度再搞多間廣州近代史博物館。
  • 1999年10月:廣州近代史博物館正式對外開放,喺嗰日重搞咗《近代廣州系列》嘅展覽出嚟。
  • 2006年5月:廣東諮政局舊址俾國務院話咗係全國重點文物保護單位
  • 2010年:博物館重加咗一啲同廣州歷史有關嘅觸控遊戲出嚟。畀多啲觀眾嚟關注近代廣州嘅人文歷史。

建築風格 編輯

呢間嘢係一間中西合璧嘅羅馬式議會建築,入面有主樓、石拱橋同埋荷花池。其中主樓嘅佔地面積有2500平方米,間樓有兩層樓高,屬於磚木、鋼樑柱結構,而大門就係弧形門廊,中間重整咗4條歌德式柱。呢度之前有條去中山三路嘅大門,但係喺1998年嗰陣拆咗。而家出入博物館都係喺陵園西路嘅細廣場入面條路仔先至可以入到去,或者係兜烈士陵園嘅正門或西門入去都得。而廣東革命歷史博物館同廣州近代史博物館都喺同一間嘢入面。而呢間嘢嘅牌上啲字係由1959年嗰時嘅葉劍英嚟負責寫嘅。

整咗嘅展覽 編輯

 
孫中山喺做緊非常大總統嗰陣嘅會場

呢間嘢入面有詳細講咗1840年到1949年之間,廣州嘅政治、經濟、衛生、教育、文化同民俗等各方面嘅歷史。入面分開咗兩部分:

第一部分:《百年風雲》 編輯

百年風雲展覽喺博物館嘅一樓嗰度搞,主要係介紹咗鴉片戰爭1949年呢1個世紀以嚟,廣州人民為咗抵抗外國侵略者同埋改嗮舊中國搞嘅艱苦鬥爭。入面包括咗呢啲比較緊要嘅歷史事件:

第二部分:《日益近代化嘅中心城市》 編輯

日益近代化嘅中心城市展覽喺博物館嘅二樓嗰度搞,主要係介紹咗廣州嘅經濟、文化、教育、醫療、民間工藝、城市建設、工農業發展、及社會風情等呢啲嘢,重話咗廣州慢慢噉行去現代化都市嘅嘢。而展覽就分別搞咗:

  • 800幾件文物
  • 270幾張相

入面重用咗電子多媒體等手段嚟搞咗喺廣州起義嗰時,蘿蔔頭同廣州公安局一齊PK,同埋日本仔打廣州嘅場景。

除咗呢啲之外,入面重搞咗同呢啲有關嘅嘢:

  • 嶺南文化中心
  • 都市建設
  • 南方商貿城市
  • 近代工業嘅發展
  • 城鄉型農業

附近嘅交通 編輯

睇埋 編輯

出面網頁 編輯