維基百科

廣深動車組列車

廣深動車組列車係中國鐵路運行於廣東省會廣州同埋經濟特區深圳之間嘅城際動車組列車，從2007年4月18號起開行，宜家由廣州局集團廣深鐵路股份有限公司廣九客運段嚟負責客運服務。列車用和諧號CRH1A型電力動車組，運行縱貫廣深鐵路，動車組中途站有新塘、東莞、常平、樟木頭、平湖呢幾個站，全程139公里，每個鐘行160公里，最快每個鐘行202公里(部份路段最快每個鐘行220公里[1][註 1])。

CRH6A喺廣州東站附近，2018年3月

歷史

編輯

2007年1月31日，廣鐵集團有四組高速列車(CRH)整備完畢隨時準備拎去上線[2]，可以用嚟擔當廣深線廣州東至深圳間22對客運列車嘅運行任務[2]。當時計劃咗同一年2月1日開行首批國產高速(CRH)列車，喺廣州東站同深圳站之間穿梭往返，具體車次同埋開行日期都初步定喺2月1日起開行：廣州東—深圳T971/2次、T871/2次，而T771、T981、T781次就喺2月2日起開行[2]。

2007年2月1日，CRH1A型列車開始喺廣深線投入載客試運行[3]，當時CRH列車嘅營運方式係替代原有客車喺城際間開行[4]，首發車次為T971次，當日朝早6點45分[4]有早班旅客坐該次列車喺廣州東站出發去深圳站[5]；當時嘅車飛價錢係：CRH1非直達列車「廣州東-深圳」一等票80元，二等票70元；直達車「廣州東-深圳站」一等票85元，二等票75元[4]。

2007年4月18日，廣深Ⅰ、Ⅱ線完成提速改造後列車時速可以行到每個鐘行200公里成為中國第一條城際公交化客運專線[6]。

2009年5月1日開始，廣深線“和諧號”動車組採用“站站停”運輸組織新模式[6]。

2015年2月嗰陣，每日最多有102對列車對開（平時開88對、後備14對），最快8分鐘就開一班列車，兼由原本D字頭車次改做C 字頭車次[7]；其中由廣州東站去深圳站下行用嘅車次號係C7001次-C7207次[8]（單號）；深圳站去廣州東站上行嘅車次號係C7002-C7208次[8]（雙號）。

電子車飛

編輯
   
2007年-2009年間，出售和諧號動車組車票嘅自動售票機
上：石龍站
下：廣州東站

1994年，廣深高速公路開通後，廣深城際列車受到公路豪華大巴嘅競爭，大巴發車嘅密度高而且票價相對便宜，但當時鐵路發車次數小且票價比較貴，鐵路客流就大幅縮水。之後爲咗加強鐵路嘅競爭力，廣深鐵路公司開始慢慢實施「廣深城際公交化」計畫，除咗上述嘅列車加速同加密班次之外，重包括乘客坐車更加方便嘅措施。廣深城際列車喺2005年10月26號開始試行地下鐵模式運作，用自動售票機、入閘機、卡式火車飛（IC卡）同埋儲值車票，嚟配合公交化計劃。自動售票機同地下鐵一樣係用觸摸式點擊購票，可以使用10蚊、20蚊、50蚊同埋100蚊人仔嘅紙幣。乘客可以係自動售票機購買IC卡車飛後，入閘機驗票系統驗票就可以上車[9]。廣深線嘅自動買票機一共有6個途徑車站嘅車飛買，有深圳、樟木頭、常平、東莞、廣州東同埋廣州，不過啲售票機唔係成日運作。

2009年2月20號起，廣深鐵路股份有限公司同中國工商銀行（深圳市分行）合作推出「廣深鐵路牡丹金融IC卡」，依張IC卡有信用卡同埋借記卡兩種，都係中國銀聯卡。持卡人可直接碌卡搭廣深「和諧號」動車組，而且可揀座位同等級[10][11]。目前暫時只發行信用卡。

2009年3月20號起，廣深鐵路公司喺廣深城際列車推出「廣深鐵路快通卡」，呢張儲值卡嘅發行面額為500蚊人仔，旅客直接碌卡入站坐廣深「和諧號」動車組嘅二等座，出站嗰陣碌多一次卡就會自動扣取所撘乘區間嘅金額。[12] 「廣深鐵路快通卡」同深圳市內嘅「深圳通」卡（2008年起發行，符合ISO/IEC 14443標準的Type A卡）一樣由中國內地握奇數據系統有限公司生產，同樣使用TimeCOS®FLY晶片[13]，意味著日後兩種智慧卡能為互相相容作準備。

2010年1月5號，廣深鐵路股份有限公司同中國工商銀行（亞洲）喺香港推出「廣深鐵路銀聯兩幣IC信用卡」，係中國銀聯喺香港發行嘅其中一款雙幣結算信用卡[14] [15]。

不過，當年廣州站並唔似其它廣深線車站一樣設有閘機，出站位置冇閘機，而入站嘅入閘機又經常唔開，所以唔理你係用緊「廣深鐵路牡丹金融IC卡」抑或係「廣深鐵路兩幣信用卡」，兩者都唔可以喺廣州站使用。

不過，自2011年6月1號起，隨住廣深線動車組車飛進行實名制[16]，儲值卡「廣深鐵路快通卡」因爲唔符合實名制嘅要求所以俾人取消咗[17]。

車飛價格

編輯
 
廣深城際「和諧號」列車車票（2010年）
一等座票價（單位：人仔）
100 65 60 50 10 廣州
100 65 60 50 廣州東 10
60 40 35 石龍 45 45
50 30 東莞 30 55 55
45 樟木頭 25 35 60 60
深圳 40 45 55 80 80
二等座票價（單位：人仔）
2010年6月18號起執行

註解

編輯
  1. ↑ 呢項記錄由瑞典X2000型列車[1]創下。

參考

編輯
  1. ↑ 1.0 1.1 Michael Molitch-Hou (2019-06-14). "How China's High-Speed Rail Zooms Past Other Countries" (英文). 喺2024-03-17搵到.
  2. ↑ 2.0 2.1 2.2 李鶴鳴 (2007-01-31)。〈國產子彈頭列車將運行 頭等廂如飛機商務艙〉。《信息時報》。喺2024-04-04搵到 –透過搜狐新聞。
  3. ↑ 〈從嗚嗚嗚，到哐哧哐哧，再到一騎絕塵……最全機車檔案來啦，很多都是青島製造〉。《海報新聞》。喺2024-04-04搵到 –透過網易。
  4. ↑ 4.0 4.1 4.2 〈國產高速列車廣深線運營 記者親身體驗〉。《國際在線》。2007-02-01。喺2024-04-04搵到 –透過新浪新聞。
  5. ↑ 〈乾貨！和諧號CRH1型電力動車組有哪些分類?〉。《e車軌道交通資訊》。2017-06-28。喺2024-04-04搵到 –透過搜狐網。
  6. ↑ 6.0 6.1 〈發展歷程〉。廣深鐵路股份有限公司。原著喺2011-08-22歸檔。喺2011-05-27搵到。
  7. ↑ 〈广深线将再次调整列车运行图 运行时间缩短7分钟〉。《南方日报网络版》。2015-02-06。喺2024-04-04搵到 –透過广东省人民政府门户网站。{{cite web}}: CS1 maint: url-status (link)
  8. ↑ 8.0 8.1 〈廣鐵集團公司關於清明節小長假期間增開部份旅客列車的公告〉。《廣鐵集團》。2015-02-06。喺2024-08-14搵到。{{cite web}}: CS1 maint: url-status (link)
  9. ↑ 〈廣州新型嘅自動售票機將啟用　去深圳可碌卡坐火車〉。原著喺2006-02-09歸檔。喺2014-04-11搵到。
  10. ↑ 〈碌"廣深鐵路牡丹金融IC卡"撘廣深線"和諧號"動車組 - 中國工商銀行網站〉。原著喺2011年1月22號歸檔。喺2014年4月11號搵到。
  11. ↑ 〈(鐵路票務-內地)廣深鐵路與工商銀行推出信用卡(IC卡) - BVEHK.net 香港模擬鐵路聯盟 - C1鐵路新聞〉。原著喺2009年8月9號歸檔。喺2014年4月11號搵到。
  12. ↑ 〈搭廣深線可以碌卡"廣深鐵路快通卡"20號開售〉。原著喺2009年3月23號歸檔。喺2014年4月11號搵到。
  13. ↑ 〈廣深鐵路實現公交化 握奇非接觸CPU卡著功勛 - 中國智慧卡網〉。原著喺2013年10月10號歸檔。喺2014年4月11號搵到。
  14. ↑ 〈中國工商銀行（亞洲）聯同廣深鐵路股份有限公司聯合推出「廣深鐵路兩幣信用卡」(PDF檔案)〉 (PDF)。原著 (PDF)喺2011年6月12號歸檔。喺2014年4月11號搵到。
  15. ↑ 〈廣深鐵路兩幣卡〉。原著喺2011年12月31號歸檔。喺2014年4月11號搵到。
  16. ↑ 〈廣深線動車組實行車票實名制〉。2011-06-11。原著喺2024-04-03歸檔。喺2024-04-03搵到。
  17. ↑ 〈無證旅客被拒上車 華鐵線上新聞〉。原著喺2011年8月30號歸檔。喺2014年4月11號搵到。
由「https://zh-yue.wikipedia.org/w/index.php?title=廣深動車組列車&oldid=2167150」收