深圳

中華人民共和國 > 廣東省 > 深圳市

深圳市

簡稱	深或鵬
現任市長	覃偉中
市政府駐地	福田區
成立時間	1979年1月23號
面積 - 總面積 - 市區面積 - 全省面積排名	2050平方公里 395.81平方公里 第19位
人口 - 常住人口 - 戶籍人口 - 暫住人口	（2019年數據） 1343.88萬人 494.78萬人 849.1萬人
生產總值 - 總值（2019年）	全國第3位 26927.09億人民幣
電話區號	0755
郵政碼	518000
車牌代號	粵B
市花	簕杜鵑
市樹	荔枝樹
行政區類別	計劃單列市、副省級城市
深圳市喺廣東嘅位置

深圳（粵拼：sam1 zan3；英文：Shenzhen，舊名Sham Chun或Shamchun或Shum Chun，舊地圖標爲Po On（寶安）；普通話名：Shenzhen，潮拼：Chhim tsùn，客家話：Chhṳ̂m-chun）係中國一城，廣東省南端。家吓係副省級城市，中華人民共和國五個計劃單列市之一，同時深圳亦係國家經濟中心城市，國家先行示範區，深圳市南鄰香港嘅新界、北接東莞、東部同惠州隔住大亞灣、西部同珠海澳門隔住珠江口。

佢最初只係一墟，叫深圳墟。因九廣鐵路發蹟。民國變成深圳鎮。共和國經濟開放政策，成爲深圳經濟特區。後尾變成深圳市，並吞併寶安縣。

深圳GDP喺2016年超越廣州，成為內地第三，喺2018年超越香港，成為中國第三，亞洲第五。

深圳亦喺內地第三大金融中心，僅次於北京同上海。深圳高科技產業發達，被譽為亞洲矽谷，誕生咗華為、騰訊、中興、大疆、平安、萬科等頂級企業。深圳企業總市值喺國內僅次於北京。

名

深圳，卽深水河溝。卽係家吓深圳河上游清水河。大雨潮漲，因爲深淺難測，好易浸死人，後尾起咗條惠民橋。而墟起喺圳邊，就叫深圳墟。

行政地理

深圳分成10個區，下面各自管理住多個街道。而家劃分為：

南山區	福田區	羅湖區	鹽田區	大鵬新區	坪山區	龍崗區	龍華區	光明區	寶安區
南頭街道 南山街道 沙河街道 蛇口街道 招商街道 粵海街道 桃源街道 西麗街道	園嶺街道 南園街道 福田街道 沙頭街道 梅林街道 華富街道 香蜜湖街道 蓮花街道	南湖街道 桂園街道 黃貝街道 東門街道 翠竹街道 筍崗街道 東湖街道 蓮塘街道 東曉街道 清水河街道	[[]] [[]] [[]] [[]]	[[]] [[]] [[]] [[]] [[]]	[[]] [[]] [[]]	[[]] [[]]	[[]] [[]] [[]] [[]]	[[]] [[]] [[]] [[]] [[]]	[[]] [[]] [[]] [[]] [[]]

同香港關係

舊日九廣鐵路，羅湖邊境，指示往深圳之牌，今置香港鐵路博物館。

深圳喺香港北部，就近香港，係香港人陸路往來中國大陸各地嘅必經之地。