引號
引號（繁體字：「……」、『……』；簡體字：“……”、‘……’）係一個標點符號，用於引述、強調同諷刺，由開引號同閂引號組成。
繁體字同簡體字用唔同嘅引號，繁體字嘅引號呈兩個直角，而簡體字用嘅係西方式嘅引號，呈兩撇（單引號為一撇）。引號易分為單引號同雙引號。繁體字先用單引號「……」，如果有需要嘅話再喺單引號入面用空心嘅雙引號『……』。相反，簡體字先用雙引號“……”，再用單引號‘……’。
範例
編輯- 霍金曾經講過：「我嘅目標好簡單，就係將成個宇宙搞明白——佢點解係噉、佢點解存在。」
- 「每個人都係天才。」愛因斯坦話，「但係如果你用爬樹嘅能力嚟評斷一條魚，佢會成世都覺得自己係一個蠢材。」
