弱相互作用

弱相互作用，亦稱弱作用力，弱核力等，四種基本相互作用之一，其餘三種為強相互作用、電磁力同萬有引力。次原子粒子嘅放射性衰變同恆星入面嘅氫聚變都係由弱相互作用引起。佢相關理論，叫量子味動力學（quantum flavourdynamics，簡稱QFD），皆因佢係唯一相互作用，搞到夸克變味（flavour）。處於高能量下，弱相互作用同電磁力會合併理論為電弱相互作用，亦即弱相互作用，只不過電弱相互作用其中一種面貌。所以較少用上量子味動力學個名。弱相互作用，係唯一種，打破到宇稱（ parity-symmetry，P symmetry）及電荷宇稱（charge-parity symmetry，CP symmetry）守恆。作用之中，佢有W子同Z子帶動力，有相當質量，同其他相互相作帶動粒子好唔同。皆因佢同希格子有反應。

弱之所叫弱，係相對強相互作用而言。佢有效範圍好細，十萬萬萬萬分之一米到萬萬萬萬分之一米之內，近乎貼近先起到作用。百萬萬萬萬分之一米時，強度佢同電磁力參唔多，但越遠就跌得越快，去到十萬萬萬萬分之三米時，就弱到電磁力萬分之一。

弱相互作用同其他幾種睇落好唔同，好少會講吸引同排斥，只會講佢核乙種射線衰變中嘅作用。另外，佢同中微子有好大關係，中微子只受萬有引力及弱相互作用影響。

宇宙間常見嘅中子、質子，都係由夸克組成。兩者中嘅夸克，全屬上下兩種味。中子同質子間轉換，都係上下轉味，由弱相互作用促成。若果無弱相互作用，就好難有元素轉換，亦無核融合同核衰變。