恆星粵拼hang4 sing1英文star),係一大大嚿、識發、圓碌碌嘅等離子體,發光係因為粒星裏面有核聚變發生緊,能量喺個芯經過內部,以電磁波形式放射出嚟。太陽就係最近地球嘅恆星,地球接近所有嘅能量都由太陽道嚟嘅。恆星有「生」、「老」、「死」,咗嘅恆星產生重啲嘅元素,好似:……宇宙裏面好大部份嘅物質集中響啲恆星度,冇恆星;就冇呢啲重元素;亦冇生物;冇生命。

畫家想像白矮星圍住天狼星轉嘅情況。美國太空總署嘅圖

定義 編輯

夜晚天上嘅一點點嘅光,俗稱,大部份就係恆星。叫做恆星,皆因渠地離我地遠,先民見到呢啲星,同行星唔同,晚晚都喺嗰個位唔郁,以為渠地「恆常」響個天度。恆星呢個詞早響《春秋》呢本書出現[1]。天文學家估全宇宙裏頭就有 7×1022 (70,000,000,000,000,000,000,000)粒恆星。由而家嘅資料嚟睇,幾多恆星都有自己嘅行星

喺物理學嚟講,佢哋嘅質量比行星仲要大(最細嘅理論證係太陽質量嘅0.07-0.08倍[2]),溫度好高(由最低3000K到最到250,000,000以上),會發光,並且由等離子體組成,喺核心入面會產生核聚。

研究佢哋嘅歷史 編輯

恆星會「死」。

想像而家有粒恆星,佢自己有龐大嘅質量,

  • 佢嘅引力會傾向令佢嘅表面向內郁動[註 1],但同時
  • 佢內部嘅燃料會做核聚變(簡化講可以想像成係靠住燒嚟向外爆炸)令到粒恆星有股由內向外嘅力,

喺一般情況下向內嘅力同向外嘅力會做到互相抵消,粒恆星會 kip1 住喺穩定嘅狀態;但係有一日,粒恆星消耗晒可以攞嚟做核聚變嘅燃料,股向外嘅力就會開始消退,向內嘅力就會開始「贏」,因而令到粒恆星向內爆縮[3]

喺宇宙入面嘅分佈同埋數目 編輯

數目 編輯

喺最新[咩時候?]嘅研究入面,粗略估算宇宙有超過 咁多個星系,而且銀河系入面有超過 咁多粒恆星,如果將佢哋乘埋一齊數值就有 (即係 )咁多粒恆星。[4]

分佈 編輯

以質量分佈 編輯

以前人類認為大部分恆星嘅都畀太陽系嘅質量更大嘅,但打完二戰之後人類嘅科技發展紅外線科技喺天文學入面得到應用並發現大量紅矮星。到咗宜家,紅矮星佔整個銀河系高達70%以上,喺太陽系最近嘅30粒恆星,超過20粒都恆星係紅矮星[5]其次最多嘅係k型主序星(銀河系總數目嘅15%左右),好似太陽呢啲黃色主序星只係佔銀河系總數目嘅7%,f型主序星只佔總數目嘅2%。

總括嚟講宇宙最常見嘅恆星種類係紅矮星。

宇宙有超過90%嘅恆星都喺赫羅圖主序星區域上面[6],佢哋嘅大小同光度以及溫度以正比關係,又質量最細0.075M⊙,到質量最大嘅300M⊙。其中太陽係一粒中等大小嘅恆星,雖然對銀河系非常唔起眼,但佢嘅質量畀95%嘅恆星更大,喺銀河系入面比85%嘅天體更光。

以年齡分佈 編輯

喺物理學同埋天文學入面嘅關係 編輯

赫羅圖 編輯

內文:赫羅圖

係一種研究恆星演化嘅重要工具,佢顯示咗佢哋表面溫度同光度嘅關係 。由於光度同絕對星等有住正比嘅關係,好多時都會使用絕對星等來量度佢哋嘅絕對光度,光度高而最熱嘅恆星通常放喺左上角,光度低而溫度又低嘅恆星通常放喺右下角。[7]

早喺19世紀末期嘅美國,當地嘅物理學家已經能夠根據光譜同溫度同進行恆星分類,光譜次序O、B、A、F、G、K、M,運用溫度遞減作為佢哋嘅排列方式。

佢係同元素週期表一樣,都係按照類似性質分類排列,唔同嘅係根據佢哋嘅性質同埋光度去排列質量大細。[8]

黑體輻射 編輯

直接觀察 編輯

睇埋:夜空同埋睇星

由地表睇,恆星嘅光弱到能夠輕易俾濕氣空污粒子遮蔽;光污染亦都會阻礙人睇星,喺好多街燈等人造光源嘅都市帶,光污染足以搞到地表嘅人睇唔到星星。視乎上述呢啲因素,用肉眼睇得到嘅星星數量由幾百到幾萬粒不等。順帶一提,查實恆星之間喺發乜嘢色嘅光上可以有異,熱-開氏 25,000 度左右-嘅恆星傾向射藍色嘅光,而好似太陽呢啲凍-得開氏 6,000 幾度-嘅恆星會主要射黃色嘅光,不過星星嘅色水就噉用肉眼睇好難睇得出[9]

數星星係好多人喺睇星嗰陣會做嘅一樣嘢。一般嚟講,喺完全冇架生嘅情況下數星星係冇可能嘅,因為星星數量太多,而且齋靠人手亦都冇方法知道邊粒星數咗邊粒未,而且暗啲嘅星星仲有可能會因為觀察者冇集中眼光而消失,睇星嘅人如果想數星星通常會帶埋星圖(sky map)同望遠鏡等嘅架生,星圖會話俾睇嘅人知喺某一個地點每一個時間點天上會見到乜嘢星星同埋啲星會喺邊個位[10]

參考 編輯

  1. 《辭源》商務印書館 ISBN 962-07-0091-0
  2. Cain, Fraser (2009-02-12). "What is the Smallest Star?". Universe Today (美國英文). 喺2021-06-29搵到.
  3. The Life Cycles of Stars, NASA.
  4. May 2017, Elizabeth Howell 18. "How Many Stars Are In The Universe?". Space.com (英文). 喺2021-06-29搵到.
  5. June 2019, Nola Taylor Redd 06. "Red Dwarfs: The Most Common and Longest-Lived Stars". Space.com (英文). 喺2021-06-29搵到.
  6. "Chandra :: Educational Materials :: Stellar Evolution :: Stellar Evolution - Cycles of Formation and Destruction". chandra.harvard.edu. 喺2021-07-14搵到.
  7. 宙 的 本 質 ( 講 義 ). www.lcsd.gov.hk. 喺2021-06-30搵到.
  8. "Chandra :: Educational Materials :: Stellar Evolution :: Stellar Evolution - Cycles of Formation and Destruction". chandra.harvard.edu. 喺2021-07-14搵到.
  9. Colors of Stars.
  10. Swerdlow, N. M. (August 1986). "A Star Catalogue Used by Johannes Bayer". Journal for the History of Astronomy. 17 (50): 189–197.

註釋 編輯

  1. 可以睇睇萬有引力定律相關嘅嘢。