張可凝（英文：Wing Cheung，1984年12月8號—）係香港女歌手，主要喺宴會活動做表演嘉賓，亦參加過唔少歌唱比賽，包括喺2011年中國音樂金鐘獎流行音樂大賽全國女子組攞第五名同埋最佳音樂潛力獎，同埋又曾經喺香港無綫電視歌唱節目《超級巨聲》第一季入面做表演嘉賓。
2016年11月27號朝早，張可凝同25歲姓郭前男友因為傾箍煲而發生爭執，期間郭畀人𠝹傷左邊面，事後張可凝畀警方拉咗，被控一項普通襲擊罪，最終判社會服務令。
