張廣德

張廣德，香港教育界人士，曾經係香港培正小學校長。因應培正喺香港嘅知名度，佢有時會接受傳媒訪問，分享小學入學面試心得。

經歷

佢幼稚園至中學階段嘅，都係喺培正學校完成，1981年大學畢業之後喺教育界工作做老師，去到1985年返去培正小學執教，由基層老師一直晉升至校長。

佢亦有喺一啲教會團體工作，曾任做過恩典浸信會執事會主席、港澳浸信會貸款會主席、香港浸信會聯會書報部部長、浸信會愛羣社會服務處董事會書記、香港華人基督教聯會董事等。

爭議

獲野雞大學頒發榮譽博士資格

佢報稱攞到林肯大學資深院士同埋榮譽博士資格，但呢間院校嘅資格備受質疑。有線新聞亦喺2019年報道，林肯大學其實係野雞大學，未獲註冊認可，比錢就有得攞佢哋唔同嘅頭銜。

培正小學違建及校長室「神秘浴室」

喺2014年7月，培正小學被揭發建築工程違例，不但拆防火門換鐵閘，校長室入面甚至建有私人浴室同茶水間，違反《建築物（規劃）規例》。有家長質疑點解學費不斷加，原來係為咗私人享樂。記者之後向張廣德查詢，但佢就只係將個波推比副校長。