張文瓘

張文瓘（606年—678年9月30號），字稚圭，大唐官員，唐高宗嗰陣係宰相。因為喺大理卿任上處事公正而受到好評。

家世

張文瓘喺隋煬帝年間嘅606年出世，阿爺係貝州武城人，喺大業末年搬屋去魏州昌樂。阿爸阿媽早死，因為孝順朋友而出名。唐太宗貞觀（626年—649年）初年，佢係並州長史李世勣大軍嘅參軍。李世勣好重視佢，曾經話：「稚圭係家陣時嘅管仲、蕭何，我比唔上佢。」一次李世勣去首都長安入朝面聖嗰陣，張文瓘同兩做伙記搞宴會為佢餞行。李世勣分別將佩刀同玉帶送畀嗰兩個伙記，但係冇畀張文瓘任何嘢。張文瓘懷疑佢，問點解，李世勣答：「你冇錯。有人猶豫不決，我畀佩刀佢鼓勵佢果斷；某人放誕唔檢點，所以我畀玉帶佢希望佢約束自己。你嘅才能，你第日乜都唔會缺，重使我送嘢畀你？」李世勣後來推薦張文瓘，張文瓘結果做咗水部員外郎。佢阿哥張文琮係戶部侍郎，兩兄弟都喺尚書省，違反咗封建舊制，因為咁張文瓘冇幾耐就改做雲陽令。