張東蓀
張東蓀（1886年12月8號—1973年6月2號）係中國政論家、哲學家，亦係中國民主同盟秘書長同中國國家社會黨嘅始創者之一。喺浙江杭縣（而家杭州市）出世。做過報紙、刊物嘅主筆、主編，大學教授同埋代理校長。
| 張東蓀 | |
|---|---|
 | |
| 出生日 | 1886年12月9號  |
| 出生地 | 杭州 |
| 死亡日 | 1973年6月2號 （86歲） |
| 死亡地 | 北京 |
| 國籍 | 中華人民共和國、中華民國 |
| 識嘅語言 | 中文 |
| 母校 | 東京大學、Toyo University |
| 職業 | 哲學家、政治人、新聞從業員 |
| 僱主 | 北京大學、清華大學 |
| 政黨 | China Democratic League |
| 仔女 | 張宗燧、Zhang Zongye |
| 兄弟姊妹 | Zhang Ertian |
[改維基數據] | |
遭受迫害
編輯中國「文革」爆發嗰時，張東蓀喺1968年1月被捕，關入北京郊區嘅秦城監獄。1973年喺秦城監獄逝世，死嗰時87歲。張東蓀被捕嗰陣，已82歲。佢屋企人呢5年一直唔知佢被關喺邊度。直到1973年，屋企人獲得通知，張東蓀死喺監獄入面。
張東蓀嘅妻子劉拙如，喺中國科學院動物研究所圖書館做嘢。張東蓀被捕，佢嘅妻子亦因此喺圖書館被「批判鬥爭」，重俾革命群眾「扭送」到北京海澱公安局，佢喺嗰度被監禁咗一年左右。
喺張東蓀被捕嗰時，佢嘅大仔，北京大學生物系教授張宗炳（舊陣獲美國康奈爾大學博士學位）亦俾共產黨關入秦城監獄。張宗炳同佢阿爸互相都唔知彼此被關喺同一間監獄。
二仔張宗燧喺英國劍橋大學攞到博士學位，從事理論物理學研究，「文革」嗰陣係中國科學院數學研究所嘅高級研究員。1969年，喺「清理階級隊伍」嗰陣時，張宗燧被迫害，喺中科院宿舍自殺。
張東蓀有話過：「方今社會為嫖賭之風所掩，政治為私欲之毒所中，吾儕幾無一席之地可以容身。與其與人角逐，毋寧自辟天地，此學燈一欄之由立也。其旨有三：『一曰借以促進教育，灌輸文化；二曰屏門戶之見，廣商權之資；三曰非為本報同人撰論之用，乃為社會學子立說之地。』」佢嘅三仔張宗穎受其影响學社會學，喺1966年，張宗穎同妻子呂乃樸遭鬥爭後一齊自殺[1]。
註
編輯- ↑ 张东荪屋企嘅恐怖遭遇 互聯網檔案館嘅歸檔，歸檔日期2015年2月18號，.。