張羣

張羣（Chang Ch'ün，又寫Chang Chun；1889年5月9號—1990年12月14號），字岳軍，四川省華陽縣人，華陽今屬雙流縣。中華民國政界人士，曾參與推翻大清，之後喺國民政府內，做過唔同官位。官至行政院長，係中國國民黨元老。佢係孫文嘅追隨者，係蔣介石嘅同學。佢喺四任總統嘅資政，包括蔣介石、 嚴家淦、蔣經國同李登輝。

張羣照

生平

周恩來同張羣（右）。

張羣1906年就讀保定全國陸軍速成學堂，1908年赴日本，就讀振武學堂，同蔣中正為同學，在日期間，參加同盟會，致力推翻大清。其後參與辛亥革命、二次革命、護法運動等。

袁世凱稱帝後，佢離開中國，喺日本完成學業，亦走難到南洋嘅荷屬東印度，卽今印尼。喺嗰處佢敎中文。袁世凱退位後，就返中國。

張羣入咗中國國民黨中央任員，仕途一路直上。1927年起任兵工署長，1929到30年任上海特別市市長，1930到32年任上海市市長，之後任湖北省政府主席。上海期間亦係做過同濟大學校長。

1935年12月到1937年3月，任國民政府外交部長，期間險被酆悌陰謀刺殺。之後任中央政治會議秘書長。1938年1月到1939年12月任行政院副院長，之後任四川省政府主席等職位。抗日戰爭後，參加國共談判，是爲國民黨三代表之一。1947年4月到1948年5月任行政院長，之後任西南綏靖公署主任，行政院政務委員。

之後張羣跟國府遷台，1954年到1972年間，任總統府秘書長，生性奇儉，曾有意與蔣介石競選總統，為蔣所勸退。1972年後長期擔任總統府資政。

1990年12月14號，張羣因腎功能衰竭，病逝台北，享年101歲。著有《中日關係密錄》等。