張銓漢

張銓漢，綽號「囝囝」，香港親中派黑社會政治人物，屬於和勝和，有和勝和太上皇之稱。

經歷

張銓漢喺以前喺英國同荷蘭發展過，然後返香港發展。佢喺元朗喺度招募人手，勢力涉及政界、商界同埋黑社會，財勢好大。有啲曾經被傳媒廣泛關注嘅黑社會成員，例如林觀良，都係佢嘅門生。

爭議事件

喺2012年香港行政長官選舉期間，佢嘅名字曾多次現身支持候選人之一梁振英嘅活動。2012年3月6號《東周刊》披露小桃園飯局事件，梁振英競選陣營成員去流浮山小桃園酒家出席一個飯局，包括張銓漢在內嘅唔少黑社會人物都有出席，引起當時社會廣泛關注。

喺2021年4月1號，佢被影到無視當時嘅武漢肺炎限聚令，舉行嘅63歲壽宴，胡學霖等人都有出席。

2023年5月，佢因為被控各 1 項「聲稱是三合會社團的成員」及「聲稱是三合會社團的幹事」罪，被判處監禁11星期。