彩虹交匯處 (電視節目)

《彩虹交匯處》係由香港電台電視部2017年製作嘅電視節目，以特殊性取向（例如：同性戀）為題材，製作目的係希望令到公眾了解呢類人嘅真實情況，提升大家喺日常生活當中同佢哋接觸、交流同相處嗰陣嘅敏感度，減少對佢哋嘅偏見同歧視。

節目形式分為兩部份，前半部係真實個案改編嘅實況戲劇，後半部係五十位嚟自社會唔同階層嘅現場觀眾，喺睇完嗰集嘅劇之後，主持人會分別問佢哋三條假設性問題，希望觀眾可以思考當中嘅問題，之後主持人會分享佢哋嘅觀點。