偏見
偏見（粵拼：pin1 gin3，英文：prejudice）源自「prejudge」即「預先判斷」，先入為主偏向相信一邊，係標籤主義重要一環，但具一定參考價值。雖然以片面假設大多貶義，但並唔一定只有壞處。
廣義嘅偏見被認為係主觀斷言，立場偏向有唔公平嘅爭議。人普遍心存偏見，甚至對「偏見」一詞存有偏見。事實上，偏見應該係由歷史或科學事實引伸，從而偏向性作出斷言假設，係科學偏見論，理論假設而唔可以當做真實結論，亦而唔係事實唯一驗證法。因此單以偏見睇世事，唔一定有必然性，只係概然。
文學
編輯漢書．卷八十五．杜鄴傳：「由後視前，忿邑非之，逮身所行，不自鏡見，則以為可，計之過者。疏賤獨偏見，疑內亦有此類。」
初刻拍案驚奇．卷三十八：「你伯娘雖然不明理，卻也心慈的。只是婦人一時偏見，不看得破，不曉得別人的肉，偎不熱。」
成因
編輯偏見所講係假設而非結果。科學上，結果必然係證實假設嘅方法中，成見嘅假設係需要觀察，同可實驗，以合乎科學驗證因果關係為原則，加強「偏見真實性」。因於資訊成本高同唔透明，加上封閉政治、恐怖主義，陰謀滿載嘅社會，偏見會成為社會體制一部份。洗腦教育同政治抹黑，防火長城等因素，就會自然形成社會偏見主義。
耶魯大學心理學教授 Paul Bloom 發現，人自嬰兒時已開始就識得從他人行為分辨好壞、區分你我而形成偏見。雖然英國評倫家 William Hazlitt 講過：「偏見係無知嘅產物。」，但 Paul Bloom 認為偏見並非因為完全嘅無知而引起。相反，偏見由經驗累積、理性分析、歸納事物而形成嘅刻板印象。偏見並非透過「感覺」，而係用「理性」畀人決定自己立場。
類比論證
編輯偏見作出判斷並無直接證據支持，只有間接證據作推斷。以過往、宗教，社會價值等原因生出成見，以群眾推斷個人，個體等同整體。
偏見將眾數視為「一律相同」論，具共同特徵、性格，習慣，甚至政治主義，即有可能被打成一派，有殺錯無放過。持偏見後往往拚命維護自己偏見，甚至偏見被事實推翻後，仍然有人會堅持。《今日心理學》雜誌指，當持有偏見：「鍾意留意同記憶『某』人行動，所定形像相符之處，但拒絶同嗰個形像相反嘅證據。」
概然性質
編輯由於無客觀數據直接支持以推測未來，概然性係會存在，而機率在於因果假設嘅局限條件。因此，偏見能否成為「預言」，主要視乎理論嘅局限條件同發生機率嘅一致性同普遍性。
偏見概然性源於局限條件唔足夠。「中國大陸遊客唔文明反映大陸人都係唔文明；Note 7經常爆炸，所以全部Note 7未爆炸都會遲早爆炸；共產主義一定唔得，所有親共社會主義國家都失敗收場。」例子反映局限條件有需要修改到更合理嘅，之後：中國大陸遊客普遍唔文明，大陸人都係唔文明嘅多；Note 7經常爆炸，所以未爆炸Note 7嘅爆炸風險十居其九。共產主義唔得居多，已經無一個親共社會主義國家成功過。
統計分析
編輯合理斷言可由有一定數量數據支持下所作出估算。由統計數據上，事件個案發生率，同以常規推斷係一種有解釋能力嘅偏見。因先天性局限條件，例如身體結構、DNA、成長環境，教育方面形成所謂「偏見」。一般有數據或者自然法則支持下嘅見解偏差，係存在但唔經常被發現。
存在方式
編輯表現形式
編輯自我保護
編輯偏見同居安思危有關。由過往推斷將來，讓自己遠離「自己認為可存在危險但仍然仲未有危險」嘅東西，國家，政權，組織...普遍出現之「高風險」一詞，同以「評分，評價分別好壞」正正可係以此而生。先入為主認為戰爭國家會對自己嘅生命做成危害，所以一定要遠之；先入為主認為同一集團先後有衛生問題，所以其他分店都唔去幫襯。
當然有人唔信「邪」，明知山有虎，偏向虎山行。發生問題都係機率一詞，可能平安過山，可能被虎殺害，只係死亡。有時，要唔要心存偏見，應該由個人斷言，而唔係受其他人控制。
代表性例子
編輯仍然有效
編輯可觀察同證明，從而可被事實推翻，但說法仍然有效。
- 合乎科學方法嘅一切偏見；同多數存在喺現代學術理論，課本之中。
- 2016年，環球時報下環球網一句話：「...然而全世界的强力部門通常都有規避法律讓一個被調查者進行配合的辦法，既...」[1]。觀察方向為針對強力部門工作，國家情報機構，政治單位，得到當權者立法或默許而動員特務從事上述政治活動。例如：納粹蓋世太保，香港政治部同中聯辦，重有中央特科等。
已被推翻
編輯因果關係已驗證，已知假設非事實。
- 1840年，清朝汪仲洋認為西方人長腿唔能夠彎曲，唔能夠奔躍，碧藍嘅眼睛怕陽光，甚至到中午唔敢睜開。林贈為指，洋人鍾意食牛羊肉，若無由我國進口嘅大黃、茶葉以輔重消化不良而死。
- 馬列主義對資本主義全數否定、不斷革命論、共產主義、革命必須暴力等。
- 毛澤東：「無產階級係唔會遷就知識分子，跟住知識分子，實際上就係跟住大地主大資產階級，就有亡黨亡國嘅危險。」係一種滑坡謬誤例子，即係話接受知識式政策等同要中共亡國。
自圓其說
編輯解釋牽強矛盾但無破綻，無科學解釋能力，無法證明嘅偏見。
應對偏見
編輯當成為偏見對象，避免反應過激，保持心平氣和，玻璃心咪碎，亦咪以偏見回應偏見。減少偏見在於教育、社會，同必然性嘅出現。
