彬子

彬子女王（日文：彬子 女王／あきこ じょおう ^{Akiko Joō}，1981年12月20號—），日本皇室成員，寬仁親王同信子妃嘅大女，細妹係瑤子女王。徽印係雪花。

彬子女王
三笠宮
響2011年嘅皇室新年祝福入面
私人明細
皇族	日本皇室
父	寬仁親王
母	寬仁親王妃信子
出世	(1981-12-20) 1981年12月20號 日本東京都
宗教	神道教
出世名	神道教

經歷

彬子女王響2010年畢業嘅相

彬子響1981年12月20號嘅東京都出世，係寬仁親王同親王妃信子嘅大女，係裕仁天皇細佬三笠宮崇仁親王嘅長孫女。佢身為大正天皇嘅直系第三代後人，獲封做「女王」。

曾經讀過松濤幼稚園一年，之後就轉校到學習院幼稚園，跟住一路升讀學習院中等科、高等科。2001年，即彬子20歲成年個陣，佢照例得到天皇明仁頒畀佢勳二等寶冠章（寶冠牡丹章）。

響2004年，佢響學習院大學歷史系畢業。之後，佢去英國牛津大學墨頓學院留學，專攻美術歷史。佢響2006年攞到碩士學位，響2010年攞到博士學位，唔單止係繼秋篠宮文仁親王之後日本皇室第二位攞到博士學位嘅成員，仲係史上第一位女性皇室成員攞到咁高學歷。當佢出外留學期間，公務都由細妹瑤子女王打理。

2009年，佢成為京都立命館大學衣笠總合研究機構嘅博士研究員。

2012年，老豆寬仁親王薨去，行斂葬之儀，由彬子做喪主。2013年同阿媽信子、細妹瑤子女王返翻三笠宮。同年佢訪問智利，同總統皮涅拉見面。

佢曾經為爭取日本搞奧運而去幫手宣傳，仲到阿根廷同國際奧委會見面，最後係得咗嘅。彬子分別響2014年同2018年兩次訪問過土耳其。

佢依家係日本橄欖球協會榮譽總裁、心游舎總裁、日本-土耳其協會總裁、日本專業滑雪教師協會總裁、中東文化中央總裁、三笠宮記念財團總裁、京都產業大学日本文化研究所研究員、立命館大學衣笠總合研究機構訪問學者、法政大學國際日本學研究所訪問學者、京都市立藝術大學藝術資源研究中央訪問教授、國學院大學特別招聘教、國士館大學大學院人文科學研究科客座教授同埋千葉工業大學特別教授。