彭心

彭心(Sam Pang)，香港親中派商人，為粉嶺彭氏原居民。積極鼓勵香港商人回內地發展，曾多次獲統戰部官員接見。

早年經歷

佢喺一次接受中國媒體訪問嘅時候提到，自己19歲創業開服裝店，2010年生意失敗之後，轉地盤同裝修，去到2013年又創辦咗「The Pangs彭記洋服」，而佢自己亦受到黎偉業嘅影響，視黎為心靈導師。彭心喺一啲獅子會嘅活動入面甚至被形容為「黎偉業獅伯徒弟」。

另外，佢本身亦熱愛Punk文化，曾經創立HK Punk Club並擔任會長。

政治立場同事件

佢係親中派嘅成員，不時喺Facebook 分享政見，支持就基本法第23條立法同所謂「愛國者治港」原則，又形容香港反送中運動為「黑暴」。喺七二一元朗襲擊事件發生後，佢亦被連登網民指有份煽動黑社會襲擊反送中運動嘅示威者。

佢亦曾經參與2023年1月舉行嘅村代表選舉，角逐粉嶺圍村代表，但只係攞到88 票，遠低於 440 票當選嘅彭振聲。

被指同47人案組織排隊黨有關

就2020年香港立法會選舉民主派初選，香港政府喺2021年初引用北京未經諮詢或香港人同意強行訂立嘅《港版國安法》，對民主派大肆進行政治檢控，案件拖延去到2023年2月開審。其中報稱S.P.C.青創家協會理事嘅范功健就被指有份策劃喺法院門外組織「排隊黨」，阻止想旁聽嘅公眾入場，之後有媒體訪問身為S.P.C.青創家協會創辦人兼主席嘅彭心，但彭心就劃清界線，話件事同佢無關，話范功健「行事為人唔 Okay」，又話佢已經退出左S.P.C.青創家協會，甚至直指佢招搖作騙行騙。