彭祖
想搵第二個意思嘅話，請睇彭祖氏。彭祖，彭姓，名翦，又稱籛鏗，中國神話中嘅長壽仙人，傳說中係南極仙翁嘅轉世化身，並以享壽八百幾歲著稱。
簡介
編輯彭祖，顓頊嘅玄孫[1]，阿爸陸終係吳回嘅大仔[2]，阿媽係鬼方首領個妹女嬇，因擅長烹飪野雞湯，受帝堯嘅賞識[3]，受封於大彭，是為大彭氏國（今江蘇徐州），又稱彭鏗，傳說中係彭姓嘅祖先[4]。自堯帝起，歷夏、商朝，商代時為守藏史，官拜賢大夫，周代時擔任柱下史；娶妻四十九，生子五十四。傳說活咗八百年，係一位長壽之神。《神仙傳（晉葛洪撰寫）形容佢：「殷末已七百六十七歲，而不衰老。少好恬靜，不卹世務，不營名譽，不飾車服，唯以養生活身為事。」佢嘅養生之道被後人整理成為《彭祖養性經》、《彭祖攝生養性論》傳世。
彭祖喺歷史上影響好大。孔子對佢推崇備至；莊子、荀子、呂不韋等先秦思想家都有關於彭祖嘅言論；《史記》等史書亦有關於佢嘅記載；道家更將彭祖奉為先驅同奠基人之一，好多道家典籍保存住彭祖養生遺論。晉代醫學家葛洪撰寫嘅《神仙傳》中重特別為彭祖立傳，當時嘅君王派人向佢求道，佢只係話：「吾遺腹而生，三歲而失母，遭犬戎之亂，流離西域，百有餘年。加以少枯，失四十九妻，喪五十四子，數遭憂患，同氣折傷，榮衛焦枯，恐不度世。所聞淺薄，不足宣傳。」晚年定居犍為郡武謀（今四川彭山縣東），病故後葬於此[5]，碑撰「商大賢墓」，今四川彭山縣東冇幾遠嘅地方有彭祖祠。一說錢鏐曾修建過彭祖墓、彭祖廟等。葛洪喺《抱朴子》一書認為八百歲係彭祖出走時嘅年齡，得道成仙。又《釋滯篇》裏說彭祖為大夫八百年，然後西適流沙。
先秦時期，彭祖係人心中係一位仙人。到咗西漢，劉向《列仙傳》將彭祖列入仙界，並稱為列仙，彭祖逐漸成為神話中嘅人物。
唐朝人楊炯有《庭菊賦》：「降文皇之命，修彭祖之術，保性同神，此焉終吉。」《太平廣記》寫佢：「遺腹而生，三歲而失母，遇犬戎之亂，流離西域，百有餘年。加以少枯，喪四十九妻，失五十四子，數遭憂患，同氣折傷。」「傳言千歲，色如童子，步行日過五百里，能終歲不食，亦能一日九食。」
「彭祖」非指一人說
編輯由於今日嘅人唔信人可以生存八百年，所以嘗試提出其他解釋。據《史記•楚世家》載：「彭祖氏，殷之時嘗為侯伯，殷之末世滅彭祖氏。」由於「氏」喺上古多用作宗族嘅稱號，因此有人推測「彭祖」實際上係以其命名嘅一氏族。《史記》並記載咗一個彭姓氏族被封國於大彭等地。清人孔廣森喺注《列子•力命篇》「彭祖之智不出堯舜之上而壽八百」之句時說：「彭祖者，彭姓之祖也。彭姓諸國：大彭、豕韋、諸稽。大彭歷事虞夏，於商為伯，武丁之世滅之，故曰彭祖八百歲，謂彭國八百年而亡，非實籛不死也。」就明確說明咗呢種情況。所谓彭祖年长八百係指大彭氏国存在嘅年限。[未記出處或冇根據]
註
編輯參考書
編輯- 《神仙傳•彭祖傳》葛洪