彼得二世 (南斯拉夫)

彼得二世基里爾字母Петар II1923年9月6號1970年11月3號),全名彼得二世·卡拉喬傑域基里爾字母Петар II Карађорђевић),係南斯拉夫王國最後一位國王,1934年至1945年在位。

彼得二世
1942年
南斯拉夫國王
在位1934年10月9號-1945年11月29號
前任亞歷山大一世
攝政保羅親王
1934年-1941年攝政

配偶亞歷珊卓公主
子嗣
父王亞歷山大一世
母后瑪麗亞王后
出世1923年9月6號
出世地Template:Kingdom of Yugoslavia旗資料貝爾格萊德
1970年11月3號(1970-11-03)(47歲)
死地美國 美國哥羅拉度州丹佛

簡歷 編輯

早年 編輯

 
細個嘅彼得二世

彼得二世1923年響貝爾格萊德出世,係亞歷山大一世同瑪麗亞共同嘅大仔。佢細細個響王宮接受教育,之後響英格蘭獨立學校Sandroyd School畢業。

1934年,老豆響法國馬賽畀人暗殺,當時只有十一歲嘅佢繼任做南斯拉夫國王。由於佢太細個,唔能夠處理國家大事,所以就由佢嘅堂叔保羅親王攝政。保羅覺得彼得一日未夠十八歲,佢都要維持現狀,所以佢響1939年同首相簽咗協議,將九個省合成克羅地亞自治區,滿足克羅地亞人多年嚟嘅要求。但係呢個協議引起塞爾維亞人不滿,加上克羅地亞人係想借今次機會承機獨立,為日後南斯拉夫嘅瓦解埋下禍根。

國王生涯 編輯

1939年9月1號,二戰爆發。開頭,南斯拉夫同意大利唔啱、又信唔過蘇聯,所以保羅親王響法國嘅支持下令到南斯拉夫保持中立。但隨住1940年法蘭西第三共和國冇咗,其他國家唔係加入軸心國就係畀德國兼併,南斯拉夫為咗自保,1941年3月25號響保羅親王嘅意思下加入軸心國。但係兩日後,當時只有17歲嘅彼得唔鍾意軸心國,決定發動政變,推翻當時政府,響堂叔保羅親王手上攞返權力,做咗彼得二世,成立新政府。

佢嘅政變係深受國內人民歡迎,但同時令到希特拉非常唔開心。希特拉對南斯拉夫嘅轉軚覺得好嬲,話要毀咗南斯拉夫。同年4月6號,德國入侵希臘同埋南斯拉夫。一個禮拜以內,德國、意大利保加利亞匈牙利更加一齊打南斯拉夫,最後南斯拉夫軍被迫響4月17號宣佈投降,南斯拉夫王國冇咗,土地畀德國、意大利、保加利亞同匈牙利瓜分,而克羅地亞自治區響德國扶持下獨立成克羅地亞獨立國

流亡政府 編輯

 
1966年嘅彼得

彼得二世並冇打算放棄。佢成立流亡政府,先係去到希臘,之後分別又去到巴勒斯坦託管地耶路撒冷開羅,最後響6月21號去到英國倫敦。響嗰度,佢入讀劍橋大學

之後彼得二世亦承認咗捷克斯洛伐克流亡政府,討論成立南斯拉夫ー捷克斯洛伐克流亡政府;又同希臘流亡政府談判。1942年1月15號談判得咗,簽咗Accord entre le Royaume de Yougoslavie et le Royaume Grèce concernant la constitution de l'Union balkanique,表明南斯拉夫同希臘響戰後會用同一種貨幣,同一個關稅同盟。

流亡政府一直響歐洲各地同軸心國打游擊戰,雖然對二戰影響唔大,但之後美國同英國就幫佢哋,因為佢哋組織能力更加好。彼得二世仲任命功勞幾高嘅米哈伊洛維奇做流亡政府國防部長。後嚟由鐵托成立嘅人民解放軍同游擊隊因為同支持南斯拉夫王室嘅切特尼克意見唔同,所以就開始各行各路,最後變成死對頭。由於切特尼克個阿頭米哈伊洛維奇想同軸心國合作,所以英國就轉去支持鐵托。但係彼得二世仲響到支持切特尼克,令到佢同鐵托越行越遠。

1945年,由鐵托做阿頭嘅共產黨政府成立南斯拉夫社會主義聯邦共和國,由南斯拉夫反法西斯人民解放委員會係最高機構,兼且響11月29號宣佈廢除君主制,改行共產主義。彼得二世畀人廢咗,結束咗佢接近十一年嘅國王生涯。

晚年 編輯

之後彼得搬咗去美國生活。但係佢一直都認為自己係國王,一生人都未退位;加上佢有抑鬱症,又成日飲酒,令到佢受到肝硬化嘅困擾。響1970年肝移植手術失敗,響哥羅拉度州丹佛死咗,終年47歲,葬響伊利諾州聖薩瓦修道院教堂,係第一位葬響美國嘅歐洲國王。直至2007年,佢個仔亞歷山大要求畀老豆歸葬貝爾格萊德;最後響2013年得到塞爾維亞政府嘅批淮,1月22號遺體畀人送返去貝爾格萊德,5月26號落葬。

屋企 編輯

1944年,佢同希臘國王亞歷山大個獨女亞歷山卓公主結婚,有一個仔亞歷山大,1945年響英國Claridge's酒店出世。