石重貴

(由後晉出帝跳轉過嚟)

石重貴914年974年),係後晉第二位皇帝,亦係後晉最後一個皇帝,942年946年在位,佢無廟號,史稱晉出帝

石重貴係後晉高祖石敬瑭個姪。942年,石敬瑭過身,石重貴繼位。944年改用開運年號。

石重貴聽咗大臣景延廣嘅話,放棄高祖嗰陣對契丹恭順嘅政策,對耶律德光稱孫而唔稱臣,之後兩國關係惡化。天福九年(944年)正月契丹軍開始入侵,三年間雙方各有勝負。開運三年十二月,後晉將領杜重威李守貞張彥澤帶埋軍隊向契丹軍投降,契丹派張彥澤帶領先頭部隊進攻開封,947年1月石重貴投降,後晉滅亡。之後耶律德光將契丹改名做大遼。

後晉滅亡之後,劉知遠太原稱帝,建立後漢,佢喺遼軍撤退之後佔據咗中原地方。石重貴畀遼軍帶返遼國,留響遼國度直至病死。