石敬瑭（892年3月30號—942年7月28號），係後晉開國皇帝，936年到942年在位，跟廟號叫後晉高祖。因為佢割讓燕雲十六州畀大遼而俾人叫兒皇帝。
石敬瑭係後唐嘅節度使，後唐明宗嘅女婿。李從珂做咗後唐皇帝之後，思疑石敬瑭會作反，936年調石敬瑭去第度，石敬瑭唔接受，李從珂派兵攻打佢，石敬瑭向契丹求救，契丹軍嚟到，唐軍大敗。石敬瑭響十一月稱帝，國號晉，改年號做天福。石敬瑭大軍南下，閏十一月，李從珂自焚死咗，後唐滅亡。之後後晉將大梁定為首都。
942年，石敬瑭過身，由佢個姪石重貴繼位。
