後桃園天皇
後桃園天皇（日文：後桃園天皇／ごももぞのてんのうGo-momozono Tennō，1758年8月5號—1779年12月6號）係日本第一百一十八位天皇，原名英仁（ ひでひと ），又叫皇太子英仁親王，響1770年5月23號至到1779年12月6號在位。
經歷 編輯
因為老豆桃園天皇早死，咁啱嗰時嘅英仁先至得四歲，所以只好由姑姐智子內親王繼位，佢就係後櫻町天皇。響1768年，後櫻町天皇冊封英仁做皇太子。
響1770年，後櫻町天皇讓位畀英仁，謐號後桃園天皇，而後櫻町天皇就做上皇，改叫上皇智子，實施院政。但係後桃園天皇身體唔係好好。
響1779年，後桃園天皇突然死咗，終年二十一歲。
傳位 編輯
由於後桃園天皇淨係得個女欣子內親王（仲要係先至五個月大），應該要傳畀邊個就成為一個大問題。當時，候選人有三個，分別係閑院宮美仁親王、閑院宮師仁親王同埋伏見宮貞敬親王。因為美仁年紀比較大同埋佢已經有老婆，所以被剔除出名單。本身上皇智子係揀咗貞敬繼位，原因係貞敬年紀最細。但係大臣九條尚實就支持師仁繼位，因為師仁係中御門天皇細佬閑院宮直仁親王個孫，同後桃園天皇嘅血緣關係比貞敬近好多。最後，師仁繼位做天皇，佢就係光格天皇。
後嚟，光格天皇娶咗欣子內親王做老婆。