光格天皇

光格天皇（日文：こうかくてんのう，1771年 9月23號—1840年 12月11號），原名師仁，乳名祐宮，之後改過名兼仁，係日本第119代天皇，1779年到1817年在位。喺明仁內禪畀德仁而自命上皇之前，佢係日本史上最後一位太上天皇，名銜由1817年到1840年。

經歷編輯

佢係閑院宮典仁親王第六個仔，本身連繼承閑院宮嘅機會都冇，所以佢一早預咗要出家。

但係1779年，後桃園天皇病重，但佢又冇仔，所以急需要響世襲親王家入面揀一個出嚟繼承天皇，侯選人有師仁親王（即光格天皇佢自己）、美仁親王同埋貞敬親王。原先上皇係想揀最細個嘅貞敬，但貞敬離當代天皇血統好遠，後嚟就排除咗佢。因為上皇想將後桃園天皇獨女欣子嫁畀下一任天皇，而美仁已經有老婆，所以最後佢就揀咗師仁。

光格天皇 (響1878年畫)

1782年，京都御所大火，用咗3年時間先重建好。期間發生天明大飢荒，師仁出面同幕府求協助，但咁做就違反咗當時幕府定嘅公家諸法度。幕府本身唔想幫，但關白鷹司輔平都支持師仁，最後幕府向民眾派咗1500石米。

之後朝廷威望大增，而期間發生尊號事件。起因係光格天皇想追封老豆直仁親王一個尊號，但幕府以佢唔係後桃園天皇一族出嚟為由唔批准，而一般天皇都會追封老豆係「XX太上天皇」。最後光格天皇追封唔到佢老豆一個尊號。1780年，佢覺得自己原先個名「師仁」個發音太似日文嘅「死人」，所以改名叫兼仁。

1794年，佢正式冊立欣子為皇后。1800年，佢哋第一個仔溫仁親王出世，光格天皇好開心，即刻立佢為皇太子。但係溫仁響第二個月夭折。之後佢立四仔惠仁親王做皇太子。

光格天皇博學多才，作詩係佢嘅最大興趣。

1817年，佢讓位畀惠仁親王，而惠仁就係仁孝天皇。第二日佢升為太上天皇，係日本史上最後一位太上天皇（202年之後明仁根據天皇退位特例法叫做上皇，而唔係太上天皇）。

光格天皇

經歷 編輯

屋企 編輯

系譜1 編輯

系譜2 編輯

經歷編輯

屋企編輯