後花園天皇
後花園天皇（日文：後花園天皇／ごはなぞのてんのう Go-hanazono Tennō；1419年7月10號—1471年1月18號）係日本第一百零二位天皇，原名彥仁（日文：彦仁／ひこひと Hikohito），又叫伏見宮彥仁親王，響1428年9月7號至1464年8月21號在位。
經歷
編輯佢本身係伏見宮貞成親王大仔，後嚟因為稱光天皇早死，而大覺寺統嗰邊重響到搞搞震，所以後小松天皇急住要接班人。臨急之下，後小松天皇搵到咗佢做接班人。佢重做埋後小松天皇契仔。
之後廿年入面，後小松天皇一直響到做上皇，實施院政。後嚟上皇幹仁死咗，佢正式親政。但係響佢執政嘅時代入面，唔單止有土一揆同埋嘉吉之亂，大覺寺統嗰邊又響到搞搞震，大臣足利義政淨係顧住玩唔理朝廷，所以當時嘅政局一啲都唔穩定。
響1464年，佢讓位畀皇太子成仁親王，而自己就做上皇，係上皇彥仁。響1471年佢死咗，終年五十一歲，死後葬響後山國陵。
仔女
編輯- 長皇女 觀心女王（1434年至1490年）
- 長皇子 皇太子成仁親王（即係後土御門天皇，1441年至1500年）
- 次皇女 真乘寺宮（？至1482年）
- 三皇女 照嚴女王（？至1464年）