德謨克利特

德謨克利特（Democritus，前460年—前370年），係古希臘唯物主義哲學家，提出咗原子論，並且喺認識論方面都有重大貢獻。佢嘅思想涉及自然哲學、形而上學同倫理學多個領域。

生平

德謨克利特喺希臘愛琴海北部海岸嘅阿比德斯出生。佢早年曾經重商，不過後來決定放棄名利同學位，追求真理同智慧。為咗追求知識，佢到處遊歷，去過希臘、埃及、紅海、巴比倫平原、埃塞俄比亞同印度。
佢學過好多嘢，包括哲學、物理學、倫理學、數學、教育學噉，而且重係一個出色嘅音樂家、畫家、雕塑家同詩人。

德謨克利特返到家鄉之後，因為被控「揮霍財產罪」而受審。嚮法庭度，佢用自己嘅學識自辯，最後被判無罪。

德謨克利特可以話係一個通才，寫過六十幾部著作，有音樂、邏輯學、數學、動植物學，修辭學同藝術噉，被後人叫佢做「百科全書」式嘅學者，不過佢啲書好多都散失咗，剩底嘅唔多。

德謨克利特嘅學問同貢獻係多方面嘅。

原子論：德謨克利特嘅師父留基伯最先提出原子論嘅概念，德謨克利特做咗系統性整理，所以好多人視佢做原子論嘅創始者。他認為世界上一切都是由原子組成，原子係不可分割，而且具有唔同特性。嚮冇測微鏡同原子對撞機嘅年代，德謨克利特係用哲學推論出原子論嘅。
物質永恆：德謨克利特基於原子論建立咗物質永恆嘅學說，反駁神創世界嘅觀點，所以佢又被後世視為唯物主義嘅鼻祖。
天體演化論：德謨克利特寫咗《宇宙大系統》（英文：The Great World-ordering）、《宇宙論》（英文：Cosmography）、《論行星》（英文：On the Planters），推導出天體演化論。
認識論：德謨克利特通過原子論嘅思想，進一步建立認識論。佢認為每一件事物嘅發生都有一個自然嘅原因，而爾個原因存在嚮事物本身，所以佢又被後世視為唯物主義嘅鼻祖。
自然哲學：德謨克利特喺自然哲學方面都有重要貢獻，佢對自然界嘅現象進行觀察同研究，並提出了許多關於自然現象嘅理論。
倫理學：德謨克利特嘅倫理學觀點強調追求快樂同達到內心平靜。佢認為人應該遠離貪婪同欲望，追求智慧同精神嘅富足。

呢篇同哲學家有關嘅文係楔位文。歡迎幫維基百科擴寫佢。