希臘

希臘（希臘話：Ελλάδα，粵拼：hei1 laap6），官名希臘共和國（希臘話：Ελληνική Δημοκρατία）或希臘第三共和國，喺歐洲東南部嘅巴爾幹半島南端。北面同保加利亞、北馬其頓以及阿爾巴尼亞接壤，東部就同土耳其接壤，臨近愛琴海，西南邊有伊奧尼亞海同地中海。希臘被譽為係西方文明嘅發源地，歷史悠久，重對三大洲嘅歷史發展有重大影響。

希臘共和國 Ελληνική Δημοκρατία
旗 紋章
格言：« Ελευθερία ή Θάνατος » 「不自由，毋寧死」
國歌：« Ύμνος εις την Ελευθερίαν » 《自由頌》
首都 同最大城市	雅典
官方語言	希臘文
宗教	93% 基督教 90% 東正教 3% 其他教派 4% 無宗教信仰 2% 伊斯蘭教 1% 其他
政府	單一制 議會制 共和立憲制 議會共和制
• 總統	Katerina Sakellaropoulou
• 總理	Kyriakos Mitsotakis
• 議長	Konstantinos Tasoulas
立法機關	希臘議會
建立
• 希臘獨立戰爭（脫離鄂圖曼帝國）	1821年3月25號
• 承認希臘主權	1830年2月3號
• 第三共和國成立	1974年7月29號
• 憲法頒布	1975年6月11號
面積
• 總計	131,957 km2（50,949 sq mi）（第95名）
• 水域（%）	1.51
人口
• 2021年普查	10,432,481
• 密度	78.9/km2（204.4/sq mi）（第105名）
GDP（PPP）	2024年估算
• 總計	▲ $4301.25億（第55名）
• 人均	▲ $41,188（第52名）
GDP（國際匯率）	2024年估算
• 總計	▲ $2502.76億（第54名）
• 人均	▲ $23,966（第45名）
堅尼系數（%，2023）	▲ 31.8 中
HDI（2022年）	▲ 0.893 極高 · 第33名
貨幣	歐元（€）（EUR）
時區	UTC+2 （EET）
• 夏令時（DST）	UTC+3 （EEST）
日期格式	日/月/年（AD）
行車方向	靠右
電話區號	+30
ISO 3166代碼	GR
互聯網頂級域	.gr .ελ .eu
∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。 ∗IMF網站嘅人均GDP數字，同用GDP除以上面人口數得出嚟嘅數有可能唔一樣。

粵音

希臘正確粵音讀「希立」（hei1 laap6），源自希臘文「Ἑλλάς」，不過好多香港人都讀錯做「希獵」（hei1 lip6）。

史

内文：希臘史

響愛琴海沿岸嘅土地見證咗歐洲最早嘅兩大文明：米諾斯文明（Μινωικός πολιτισμός）同邁錫尼文明（Μυκηναϊκός πολιτισμός）。之後，希臘經歷咗一段黑暗時期，直到公元前800年新嘅希臘文明先誕生。當時，希臘城邦響地中海沿岸建立起自己嘅殖民地，成功咁抵禦波斯人嘅入侵，並最終發展出豐盛嘅希臘文化。希臘、馬其頓同色雷斯地區嘅文明被統稱為海倫尼克（Ελληνιστική）。

古時嘅希臘係由各城市組成嘅城邦統治。希臘曾經俾城邦馬其頓領導。響亞歷山大大帝（亞歷山大三世）嘅領導下，馬其頓王國消滅咗波斯帝國，希臘文化隨之傳播到埃及、中東同和中亞地區，史稱希臘化時代。亞歷山大大帝死後，希臘歷史中政治同軍事上重要嘅城邦係：雅典、馬其頓、斯巴達同底比斯。

雖然響軍事上希臘喺公元前168年俾羅馬共和國完全征服，希臘文化就反過來征服咗羅馬人嘅生活。作為羅馬帝國嘅一個省，希臘文化繼續主宰住東地中海，直到帝國分裂成兩部。以君士坦丁堡為中心嘅拜占庭帝國本質上就係俾希臘同化嘅。拜占庭抵禦咗幾個世紀以來，來自東西方嘅攻擊，直到1453年君士坦丁堡最終被淪陷，奧斯曼帝國亦從此逐步征服咗成個希臘。

希臘獨立後領土變化圖

十八世紀後期，現代希臘啟蒙運動誕生。越嚟越多人記返起自己民族原先並唔係由奧斯曼統治，重新認識到希臘族嘅存在。佢哋開始希望脫離奧斯曼帝國。其中秘密組織友誼社，響1821年發動革命，宣佈獨立，中斷帝國嘅統治。奧斯曼帝國企圖鎮壓革命活動，雙方就爆發戰爭，史稱「希臘獨立戰爭」。1828年，響法國、俄羅斯帝國同大英帝國三國嘅支持同幫手下，革命派獲得勝利，獨立戰爭結束。

希臘喺1830年獲得國際認可，1833年建立咗君主政權，即「希臘王國」。佢哋擁立巴伐利亞王子鄂圖做國王，係鄂圖一世。但係鄂圖一世響後期越嚟越得唔到民心同埋冇威望，最終軍方響1862年發動政變，推翻鄂圖一世。一年後，佢哋擁立丹麥王子威廉係國王，稱號係佐治一世。

喺成個19世紀同20世紀初，希臘不斷擴張領土，吸納奧斯曼帝國內講希臘話嘅族群。

1923年至1927年，希臘曾經短時間變成共和國（即希臘第二共和國）。呢段時間淪為軍人獨裁時期，雖然人民生活穩定但經濟變得好差；去到1936年民主國倒台，由獨裁政府接手，打壓議會、人權、反對派，幾千人仲被放入集中營虐待。

直到1947年，希臘嘅版圖大致同而家一樣。

第二次世界大戰後，希臘又發生咗一次內戰。1949年內戰結束後，希臘宣佈加入北約組織。1967年4月21號軍人發動政變，重廢咗國王。塞浦路斯問題最終導致軍人政權響1974年垮台，一個民主共和國響1975年建立。1981年希臘正式加入歐盟。

政治

1975年頒布嘅憲法包含咗保障民權嘅條款，重確定經間接選舉產生嘅總統做國家元首。總理同內閣主導國家嘅政治，而總統只係象徵性嘅一國之君。總統、總理任期4年，由議會選舉產生，可以連任一次。

希臘一院制嘅國會（Βουλή των Ελλήνων）最長任期係4年，但選舉可以提前舉行。希臘用一種非常複雜嘅比例代表制進行選舉，響呢個制度下細黨無法有較大嘅影響力，而即使國會內最大黨議員人數未有過半，呢個黨依然可以控制國會。政黨只有獲得至少百分之三嘅選票先至可以響300個國會議席中分到席位。

政區

希臘劃分為13個大區（περιφέρειες，單數περιφέρεια），再細分為51個州（νομοί，單數νομός）：

阿提卡大區（Αττική） 阿提卡（Αττική) 中希臘大區（Περιοχή Στερεάς Ελλάδας） 維奧蒂亞（Βοιωτία） 埃夫里塔尼亞（Ευρυτανία） 艾維亞（Εύβοια） 福基斯（Φωκίδα） 弗西奧蒂斯（Φθιώτιδα） 中馬其頓大區（Κεντρική Μακεδονία） 哈爾基季基（Χαλκιδική） 伊馬希亞（Ημαθία） 基爾基斯（Κιλκίς） 派拉（Πέλλα） 皮埃里亞（Πιερία） 塞雷斯（Σέρρες） 塞薩洛尼基（Θεσσαλονίκη）

克里特大區（Κρήτη） 干尼亞（Χανιά） 伊拉克利翁（Ηράκλειο） 拉西錫（Λασίθι） 雷西姆農（Ρέθυμνο） 東馬其頓－色雷斯大區（Ανατολική Μακεδονία και Θράκη） 茲拉馬（Δράμα） 埃夫羅斯（Έβρος） 卡瓦拉（Καβάλα） 羅多波（Ροδόπη） 克桑西（Ξάνθη） 伊庇魯斯大區（Ήπειρος） 阿爾塔（Άρτα） 約阿尼納（Ιωάννινα） 普雷韋扎（Πρέβεζα） 塞斯普羅蒂亞（Θεσπρωτία）

伊奧尼亞群島大區（Ιόνια νησιά） 科孚（Κέρκυρα） 凱法利尼亞（Κεφαλονιά） 萊夫卡斯（Λευκάδα） 扎金索斯（Ζάκυνθος） 北愛琴海大區（Βόρειο Αιγαίο） 伊俄斯（Χίος） 萊斯沃斯（Λέσβος） 薩莫斯（Σάμος - Ικαρία） 伯羅奔尼撒大區（Πελοπόννησος） 阿卡迪亞（Αρκαδία） 阿爾戈利斯（Αργολίδα） 科林斯（Κορινθία） 拉科尼亞（Λακωνία） 麥西尼亞（Μεσσηνία）

南愛琴海大區（Νότιο Αιγαίο） 塞克拉迪斯（Κυκλάδες） 杜德卡內斯（Δωδεκάνησα） 色薩利大區（Θεσσαλία） 卡爾季察（Καρδίτσα） 拉里薩（Λάρισα） 馬格尼西亞（Μαγνησία） 特里卡拉（Τρίκαλα） 西希臘大區（Δυτική Ελλάδα） 阿哈伊亞（Αχαΐα） 埃托利亞-阿卡納尼亞（Αιτωλοακαρνανία） 伊利亞（Ηλεία） 西馬其頓大區（Δυτική Μακεδονία） 弗洛里納（Φλώρινα） 格萊維納（Γρεβενά） 卡斯托利亞（Καστοριά） 庫扎尼（Κοζάνη）

除此之外，重有一個享有好大自治權嘅區域—阿蘇斯神權共和國（聖山）。

地理

希臘由巴爾幹半島南端嘅伯羅奔尼撒半島（Πελοπόννησος）作為主體，包括克里特島、羅德島同其他愛琴海島嶼。海岸綫有14,880千米，陸地邊界長1,160千米。希臘八成地方都係山區，全國大部分地區都非常乾燥；得28%土地係種得嘢。西部有濕地同湖泊。中部山區平均海拔喺2,650米左右。富有傳奇色彩嘅奧林匹斯山係希臘最高點，海拔2,917米。

希臘氣候屬地中海式氣候，冬溫濕，夏乾熱。溫度變化唔大，但係冬天山區甚至雅典地區都有降雪。

經濟

希臘擁有綜合咗資本主義經濟同佔國民生產總值一半左右嘅公共領域。旅遊業係支柱產業，佔希臘GDP以及外滙收入嘅好大一部分。希臘係歐盟經濟援助嘅主要受惠國，受歐盟援助嘅資金大約佔國民生產總值嘅3.3%。

急需解決嘅問題包括：降低失業率同進一步經濟重組，而具體措施如將主要國有企業私有化，社會保障體系、稅收體系改革，以及減少官僚系統嘅缺失。

貨幣

希臘貨幣單位係歐羅（Euro）。

人口

據2001年最後一次人口統計，希臘人口共計10,774,917人。大多數希臘人（98%）信奉國教東正教。東正教會受國家保護，重有自治權，但受位於君士坦丁堡嘅基督教元老院嘅精神指導。除此之外，重有1.3%嘅人口信奉伊斯蘭教，而伊斯蘭教亦係東正教以外，唯一受官方承認嘅宗教。

語言

英文係最普遍嘅外國語言。雅典人就多講法文，而愛奧尼亞群島同伊庇魯斯地區較通行意大利文。

氣候

希臘屬地中海型氣候，最低氣溫出現喺1月同2月，最高氣溫喺7月同8月。除冬季外，幾乎都唔會落雨，境內無一個地方每年平均日照會少過2000個鐘，1月平均氣溫攝氏13度，7月同8月平均攝氏33度。

出面網頁

• 希臘嘅官方網站
• Ελλάδα | Ευρωπαϊκή Ένωση，歐洲聯盟，（希臘文）
• 〈国家概况 — 中华人民共和国外交部〉 (簡體中文)。中華人民共和國外交部。
• 〈希臘共和國 Hellenic Republic - 歐洲地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Greece - United States Department of State" (英文). 美國國務院.
• 希臘喺中央情報局《世界概況》嘅資料 （英文）
• 〈ギリシャ共和国 ｜ 外務省〉 (日文)。日本外務省。
• "Greece - Department of Foreign Affairs and Trade" (英文). 澳洲外交貿易部.