忠孝公路

忠孝公路係香港商業電台叱吒903電台嘅廣播劇，講述男主角高捷（少爺占聲演），喺香港開咗一家台式咖啡店，重遇廿年前不辭而別、而且改名換姓楊雅筑，漸漸憶起多年前嘅往事。

之後，少爺占連同王貽興將呢套劇改編成小說，並由日閱堂發行。

故事大綱

佢，楊雅筑，為咗告別過去，一個人返嚟呢個城市，同自己講：「重新出發，你唯一嘅行李，就只得你自己。」佢，高捷，永遠記得嗰一晚，佢同心愛嘅女仔喺冬夜嘅忠孝東路，喺間咖啡館食到嘅香草鮪魚意大利麵同杯甘香醇嘅咖啡。唔會忘記最初嘅意大利麵食落嘅驚喜，唔會忘記第一口咖啡嘅味道，仲有令人難忘嘅，係嗰位後來唔告而別嘅女子。佢花咗好多心思一再追溯，喺佢屬於嘅城市開咗間同當年台北咖啡館相似嘅台式咖啡館，可能係為咗係茫茫人海中立一座燈塔，俾係外迷途、攰咗知返嘅女子可以順利認出家嘅所在。佢等住，只為咗重溫當日曾經有過嘅驚喜同感動。

楊雅筑同高捷，兩個唔相干嘅人，在呢間細細嘅咖啡館相遇。而呢一切，居然係佢哋二十年後嘅重逢。佢站喺同一個屋簷底下，靜靜望住呢位曾經令佢心碎嘅男子，而佢卻茫然唔知。佢以為唔告而別嘅女子係佢心入面係無可替代嘅，而呢位再次闖入佢平凡生活嘅女子，卻喚起咗兩人之間嘅啲年輕時嘅回憶⋯⋯

相關歌曲

• 主題曲：野仔《閃著淚光》
• 插曲：野仔《你知道我在台北等你嗎》

評價

呢套廣播劇嘅改編小說喺豆瓣攞到8.9分（截至2024年2月13號）。