快感
快感（粵拼：faai3 gam2）係一種令人覺得「舒服、過癮、正」嘅感覺。呢種感覺可以基於生理需要（例如食到好味嘅嘢）又可以嚟自心理需要得到滿足（例如受到讚賞）。有啲人認為快感同痛係兩極，但實際上兩者有時可以好接近，例如食辣嘢就係一種又痛又過癮嘅體驗。
提示：呢篇文講嘅唔係快樂。快感喺動物行為上扮演住重要角色，因為快感有助動物得知乜嘢值得做、乜嘢要避開。例如食得飽有快感，就會鼓勵動物繼續搵嘢食；性交有快感，就會推動繁殖；成功有快感，就推動學習同進步。
遠因研究
編輯由進化生物學嘅角度睇，快感係一種促進生存同繁殖嘅機制。當生物做咗對自己有益嘅行為，例如食嘢、性交、社交等等，個身體就會產生快感，好似一種獎勵，鼓勵佢下次繼續做同樣嘅嘢。簡單嚟講，快感有助生物學識「邊樣行為係對自己有利嘅」令有利於生存嘅行為有更高機會出現，從而增加基因傳落下一代嘅可能性。
神經研究
編輯科學家會用腦神經學嘅方法研究快感，例如研究邊啲腦區喺感受到快感嗰時會活躍，或者研究多巴胺（英文：dopamine）等嘅神經傳遞素喺快感中起咗咩作用。心理學、哲學同社會學都有用唔同角度探討快感嘅本質同意義。
快感中心係指個腦裏面負責引起快感嘅一拃腦區，屬於犒賞系統嘅一部分。
截至 2020 年為止，神經科學研究經已發現咗多個快感中心－包括係伏隔核、眶額皮質（前額皮層嘅一部份）、基底核以至島葉等嘅多個腦區都俾人發現同快感有關，都會喺攞到犒賞－無論件犒賞係嘢食、朋友定性愛都好－嗰陣啟動[1][2]；呢啲腦區之間有緊密嘅連繫，佢哋是但一個啟動都會令到其餘嗰啲或多或少噉跟住齊齊啟動，快感呢樣嘢需要快感中心嘅唔同部份一齊同時啟動先至可以產生[3]。而廿一世紀初神經內科（研究神經系統疾病嘅醫學領域）上已知，呢啲腦區因為病變等嘅原因而受損會搞到一個人出現「難以再得到快感」（睇埋失樂）嘅情況，呢樣嘢往往會搞到患者冇嗮生活嘅樂趣[4]。
商學研究
編輯睇埋
編輯引咗
編輯- ↑ Richard, J. M., Castro, D. C., DiFeliceantonio, A. G., Robinson, M. J., & Berridge, K. C. (2013). Mapping brain circuits of reward and motivation: in the footsteps of Ann Kelley. Neuroscience & Biobehavioral Reviews, 37(9), 1919-1931.
- ↑ Castro, D. C., & Berridge, K. C. (2017). Opioid and orexin hedonic hotspots in rat orbitofrontal cortex and insula. Proceedings of the National Academy of Sciences, 114(43), E9125-E9134.
- ↑ Kringelbach, M. L., & Berridge, K. C. (2012). The joyful mind 互聯網檔案館嘅歸檔，歸檔日期2019年6月17號，. (PDF). Scientific American, 307(2), 40-45.
- ↑ Berridge, K. C., & Kringelbach, M. L. (2015). Pleasure systems in the brain (PDF). Neuron, 86(3), 646-664.