高速公路（粵拼：gou1 cuk1 gung1 lou6） ，有啲地方（例如香港）叫做快速公路，係指畀汽車同埋電單車專用，通常係兩個方向4條行車綫以上、相向分隔行駛、完全控制出入口、全部用兩邊封閉同埋立體交叉橋同路口，設計時速80公里（香港嘅標準係每小時70公里）以上嘅公路。
高速公路嘅特點係高速、交通量大同埋有比較高嘅運輸經濟效益同埋社會效益。
全世界第一個起高速公路嘅國家係意大利，第二個係德國，當中後者亦係全世界第一個起全國高速公路網嘅國家[1]。
