快速排序

快速排序（quicksort）係一種用嚟將一個數列入面啲數字排好嘅演算法。步驟如下：

1. 喺個數列入面是但揀一個數字，設佢做基準（pivot）。
2. 重新排序數列：將個數字重新排過，令到數值上細過個基準嘅數字冚唪唥都搬去個基準前面，而數值上大過個基準嘅數字就要冚唪唥喺嗮個基準後面；做咗呢個步驟之後，個基準會喺正佢嘅最終位置。
3. 將個數列分做兩橛－「細過個基準嗰柞數字」同埋「大過個基準嗰柞數字」，並且分別噉對嗰兩橛做上述嗰兩個步驟。

呢個演算法俾人好廣泛噉攞嚟將啲數字列嘅次序排好（一個整齊噉排好咗嘅數列可以攞嚟做第啲緊要嘅作業）。