急口令

急口令，又叫繞口令，係種好難讀快嘅句子。

唔同語言都有自己嘅急口令，例如國語嘅急口令「西施死時四十四」，如果轉用粵語讀呢句就唔算係急口令，因為唔難讀。

粵語例子

• 入實驗室撳緊急掣。
• 入食物實驗室撳實十個緊急掣。
• 掘柑掘桔掘金桔，掘雞掘骨掘龜骨，掘完雞骨掘金桔，掘完龜骨掘雞骨。
• 三蚊一斤雞，兩蚊一斤龜，你話係雞貴過龜，定係龜貴過雞，我話係雞貴過龜，唔係龜貴過雞，原來係龜貴過雞。
• 雞龜骨滾羹
• 郵差叔叔送信純熟迅速送出。
• 痴線雌性蜘蛛啲蜘蛛絲痴住枝樹枝。
• 牆角撞床腳，牆角撞床腳，你話床角撞牆角定牆角撞床腳。
• 而家學緊瑜珈嘅姨媽而家去宜家傢俬買而家適合姨媽做瑜珈嘅傢俬。
• Siri 施施然揭開獅子上嘅蜘蛛絲。
• 獅子山上獅山寺，山寺門前四獅子。山寺是禪寺，獅子是石獅。獅子看守獅山寺，禪寺保護石獅子。
• 白石塔，白石搭，白石搭白塔，白塔白石搭。搭好白石塔，白塔白又滑。

睇埋

• 口令