維基百科

怪美的

蔡依林2018年單曲

《怪美的》（英文：Ugly Beauty）係臺灣歌手蔡依林嘅一隻單曲，由凌時差音樂喺2018年12月21號發行，收錄喺蔡依林嘅第14張錄音室專輯《Ugly Beauty》。隻歌作為專輯《Ugly Beauty》嘅首波主打歌，由吳青峰作詞，由Rhys Fletcher、楊宥閑、Richard Craker、蔡依林同陳星翰一齊作曲，由陳星翰同蔡依林一齊製作[1]。隻歌嘅歌詞精彩同有趣味，曲風多元同幾有美感，表現歌手回擊惡評同偽善嘅堅決同重塑自我認知後嘅自信[2]。

怪美的
蔡依林嘅單曲
收錄喺專輯《Ugly Beauty》
發行日期2018年12月21號 (2018-12-21)
類流行
時長03:02
唱片公司凌時差音樂
填詞吳青峰
作曲
編曲陳星翰
監製
  • 陳星翰
  • 蔡依林
蔡依林單曲年表
日不落（DNF阿破克烈版）
（2018年） 		怪美的
（2018年） 		新年抖來咪
（2019年）
音樂影片
YouTube上面嘅《怪美的》正式版

隻歌喺馬來西亞、日本、臺灣、香港同中國大陸嘅歌曲排行榜攞到第1名嘅最高成績，喺菲律賓嘅歌曲排行榜攞到頭10名嘅最高成績[3]，喺中國公告牌音樂單曲榜攞到第1名嘅最高成績，並喺Hit FM年度百首單曲排行榜排第1名[4]。隻歌嘅MV喺同月26號發行，由陳奕仁執導[5]。隻歌MV以「讓過去與現在的蔡依林和解」做主題，並回顧蔡依林出道到依家嘅「黑歷史」[6]。隻歌嘅MV入圍第30屆金曲獎最佳音樂錄影帶獎，製作人陳星翰同蔡依林亦憑住嗰隻歌入圍最佳單曲製作人獎[7]。

背景同發行

編輯

2014年11月，蔡依林出咗佢嘅個人第13張錄音室專輯《呸》，並先後發行單曲《電話皇后》、《Play 我呸》同《第三人稱》[8]；單曲《Play 我呸》同《第三人稱》喺Hit FM年度百首單曲排行榜分別排第1名同第8名[9]；單曲《Play 我呸》入圍金曲獎最佳年度歌曲獎[10]。2016年7月，蔡依林表示開始籌備佢個人第14張錄音室專輯[11]。之後，蔡依林發行一系列單曲，包括同音樂人Alesso合作嘅英文單曲《I Wanna Know》[12]、同音樂人陳星翰合作嘅單曲《戀我癖》[13]、為大愛電視「1+1 你加我」活動演唱嘅主題曲《讓愛傳出去》[14]、同音樂人Hardwell合作嘅英文單曲《We Are One》[15]、為臺灣動畫電影《幸福路上》演唱嘅同名主題曲[16]、為中國大陸電影《捉妖記2》演唱嘅主題曲《什麼什麼》[17]同為騰訊遊戲《地下城與勇士》演唱嘅十週年主題曲《我對我》[18]。2018年2月，蔡依林喺Instagram透露佢喺泰國錄音室Karma Sound Studios同音樂人Richard Craker、Rhys Fletcher同埋楊宥閑合作[19]。同月，蔡依林表示已開始為嗰張專輯去揀主打歌[20]。同年6月，蔡依林表示喺專輯入面嘅歌嘅音樂風格同嗰隻代言歌嘅音樂風格唔同，並表示專輯嘅歌音樂風格多元化，包括從未演繹過嘅音樂風格[21]。同年10月，蔡依林出席「台北時裝週」，並表示佢個人第14張錄音室專輯喺同年12月發行[22]。同年12月，蔡依林公佈專輯《Ugly Beauty》預購宣傳影片，並喺臺灣臺北市搞咗專輯預購造勢活動，亦表示首波主打歌喺同月21號發行[23]。同月21號，嗰隻歌作為專輯《Ugly Beauty》嘅首波主打歌發行[24]。

創作同製作

編輯

《怪美的》係蔡依林個人第14張錄音室專輯《Ugly Beauty》嘅首波主打歌曲。隻歌由攞過臺灣金曲獎最佳作詞人獎同同過蔡依林喺專輯《Muse》入面合作歌《迷幻》、《柵欄間隙偷窺你》同《彩色相片》嘅吳青峰作詞；蔡依林表示令作詞人吳青峰用咗四次去改嗰隻歌嘅歌詞，作詞人吳青峰表示：｢我覺得她（蔡依林）對於音樂真的要求越來越高了，但這是對自己內在的要求，不是對別人的眼光，覺得很不一樣！[25]」隻歌由Rhys Fletcher、楊宥閑、Richard Craker、蔡依林同陳星翰一齊作曲；蔡依林表示佢第一次參與錄音室集體創作，並表示：「自由的創作過程中，我探索出讓自己感動的聲音，而且跟不同的創作營合作，給我很大的推進力，一起做音樂討論、用不同的語言方式去表達你想要什麼，除了蠻過癮、蠻好玩之外，作品應該會讓大家聽了跟我一樣很有感覺！[1]」隻歌由同過蔡依林喺專輯《呸》入面合作歌《Play 我呸》、《I'm Not Yours》同《Miss Trouble》嘅陳星翰編曲；隻歌歌編曲融合迥異嘅音樂元素同和聲，包括俏皮嘅嘴唇摩擦聲、強烈嘅鼓打貝斯同後半段做點綴嘅Rap[26]。隻歌由陳星翰同蔡依林一齊製作；蔡依林表示隻歌係個張專輯入面用咗最多時間去整嘅一隻歌，並表示喺錄音室入面因為試過唔同音色而重錄過幾次[27]。隻歌由參與過混音格林美獎最佳雷鬼專輯獎入圍作品《Reincarnated》同最佳舞曲/電子專輯獎入圍作品《Wonderland》嘅Luca Pretolesi混音[28]。

音樂錄影帶

編輯

2018年12月4號，蔡依林喺臺灣臺北市搞咗專輯《Ugly Beauty》預購造勢活動，亦表示首波主打歌同佢嘅MV喺同月21號發行[29]。同月19號，蔡依林喺新浪微博出道歉啟事並表示《怪美的》MV押後到同月26號發行[30]。同月21號，隻歌嘅歌詞版MV發行，個隻MV由導演周啟民同入圍過臺灣金馬獎最佳攝影獎嘅余靜萍一齊執導；個隻MV用個隻歌嘅歌詞同專輯《Ugly Beauty》預購銷量版嘅內頁照片去拍嘅畫面為主。同月26號，隻歌嘅正式版MV發行，個隻MV由攞過臺灣金曲獎最佳音樂錄影帶獎同喺過蔡依林合作歌曲《大藝術家》、《Play 我呸》同《I'm Not Yours》MV嘅陳奕仁執導[31]；導演陳奕仁喺嗰隻MV入面安排四個場景並為蔡依林設計八種角色，MV以「蔡依林審判蔡依林，讓過去的蔡依林與現在的蔡依林和解」做主題，並通過個隻MV回顧蔡依林出道到依家嘅「黑歷史」，蔡依林表示：「要感謝網路、歌迷各種的『表情圖片』Kuso包，成為新歌MV的激發創意點，希望把自己經歷過的掙扎，曾經瘋狂追求外界肯定到自我覺醒的過程，在MV中幽默呈現！[32]」嗰隻MV花咗新臺幣1500萬元製作，係蔡依林出道到依家製作成本最高嘅一隻MV，MV用咗三日三夜去拍，亦係蔡依林出道到依家用咗最長嘅時間去參與拍攝嘅一隻MV[33]。同月28號至第二個月嘅4號，個張專輯嘅首波主打歌《怪美的》正式版MV喺中國北京市三里屯太古里南區大屏幕循環播放。MV喺發行第一個禮拜攞到YouTube臺灣發燒影片排行榜第1名、音悅V榜MV作品榜週榜港台篇第1名同bilibili全站排行榜第1名嘅成績。2019年1月1號，該歌嘅舞蹈版MV發行，並表示會搞「《怪美的》全球創意舞蹈大賽」[34]。

現場表演

編輯

2018年10月，蔡依林表示出席由中國大陸江蘇衛視喺同年12月31號搞嘅「2019江蘇衛視跨年演唱會」[35]。同年12月31號，蔡依林著住出自英國時裝品牌Alessandra Rich嘅墨綠色連衣裙喺個次演唱會第一次表演《怪美的》[36]。2019年1月5號，蔡依林出席錄製由臺灣臺視喺同年2月5號播出嘅「2019超級巨星紅白藝能大賞」，蔡依林著住出自英國時裝品牌Halpern嘅粉紅雙色亮片連衣褲喺個次節目表演《怪美的》[37]。同月26號，蔡依林出席「第14屆KKBox風雲榜頒獎典禮」，蔡依林著住出自意大利時裝品牌Moschino嘅藍色塗鴉褲裝喺個次頒獎活動表演《怪美的》[38]。同年4月5號，蔡依林著住出自意大利時裝品牌Palm Angels嘅黃色運動夾克喺中國大陸綜藝節目《青春有你》同訓練生管櫟、嘉羿、孫澤霖、馮俊傑同連淮偉一齊表演《怪美的》[39]。同月11號，蔡依林著住美國時裝品牌Ralph Lauren嘅黑色西裝套裝喺中國大陸綜藝節目《歌手2019》同歌手吳青峰一齊表演《怪美的》[40]。同月28號，蔡依林著住法國時裝品牌Chloé花卉印花絲質襯衫同闊腿褲喺中國四川省峨眉山市搞嘅「峨眉山花海音樂節」表演《怪美的》[41]。同年6月21號，蔡依林出席歌手李玟喺臺灣臺北市搞嘅「You & I世界巡迴演唱會」臺北場，並著住意大利時裝品牌Attico嘅粉紅色超大款單排釦西裝夾克喺個次演唱會一齊表演《怪美的》[42]。同月29號，蔡依林出席「第30屆金曲獎」，並著住意大利時裝品牌Gucci嘅紫色亮片連衣褲表演《怪美的》[43]。同月29號，蔡依林出席「2019愛奇藝尖叫之夜·華人歌曲音樂盛典晚會」，並著住意大利時裝品牌Moncler嘅豹紋雛菊印花連身衣表演《怪美的》[44]。同年11月10號，蔡依林出席「蘇寧易購11.11嗨爆夜」，並著住英國時裝品牌Chen Peng嘅黑色連體衣同橙色絎縫夾克表演《怪美的》。2019年12月23號，蔡依林出席錄製由中國大陸中央廣播電視總台喺同月31號播出嘅「啟航2020 中央廣播電視總台跨年盛典」，蔡依林著住意大利時裝品牌Moschino嘅彩色塗鴉西裝套裝喺個次節目表演《怪美的》[45]。

評價

編輯

唱工委音樂獎評價隻歌嘅編曲：「在對詞曲、演唱者、樂手等有深入了解和掌控的基礎上，運用和聲、副旋、律動，以幫助表演者做出最充分的情感表達，並賦予作品在創意上更多的可能」，亦評價隻歌嘅製作：「不同於專輯在歌曲數量和概念完整性的要求，單曲製作可以專心地傾全力於一首歌，藉由其靈活發表的特性，音樂人可以在多次分次的探索中找到不同以往的表演」，亦評價隻歌嘅MV：「在充分理解了音樂的表達之後，利用視覺藝術手段，以恰當角度給予作品的情感，以推動、延伸、補白，而非代替」。

獎

編輯

2019年5月14號，第30屆金曲獎公佈入圍名單，專輯《Ugly Beauty》夾埋入圍咗7個獎，專輯入面嘅歌《怪美的》MV入圍最佳音樂錄影帶獎，製作人陳星翰同蔡依林亦憑住嗰隻歌入圍最佳單曲製作人獎[7]。

爭議

編輯

2018年12月31號，蔡依林出席由中國大陸江蘇衛視搞嘅「2019江蘇衛視跨年演唱會」，並喺個次演唱會第一次表演呢隻歌，蔡依林雖然跟住原本歌詞去表演，但歌詞字幕就根據中國大陸國家廣播電視總局嘅相關規定而被修改，包括「垂涎的邪惡」被改做「垂涎的諧和」、「在軟爛中生長 社會營養」被改做「在散漫中成長 攝取營養」、「那些神醜的 評誰亂正的」被改做「那些審醜的 胡言亂語的」、「是你瞎了眼」被改做「是你沒睜眼」、「一路背著太多道德」被改做「一路背著太多負擔」同「卻轉身吐口水」被改做「卻轉身做鬼臉」[46]。2019年12月31號，蔡依林出席由中國大陸中央廣播電視總台搞嘅「啟航2020 中央廣播電視總台跨年盛典」播出，並喺節目度表演《怪美的》，隻歌歌歌詞字幕並冇修改，但Rap部分嘅歌詞字幕就未顯示[47]。

曲目

編輯

數碼下載、流媒體

  1. 《怪美的》－3:02

人員

編輯
  • 鄭人豪－執行製作
  • 馬毓芬－和聲編寫、和聲
  • 蔡依林－和聲
  • 陳振發－和聲錄音師、錄音工程師
  • 白金錄音室－和聲錄音室
  • 陳文駿－錄音工程師
  • 強力錄音室－錄音工作室
  • Luca Pretolesi－混音工程師
  • Scott Banks－混音助理工程師
  • Andy Lin－混音助理工程師
  • Studio DMI－混音工作室

榜單

編輯

發行歷史

編輯
地區 日期 格式 唱片公司
全球 2018年12月21號
凌時差音樂

參考

編輯
  1. ↑ 1.0 1.1 〈Jolin蔡依林新專輯《UGLY BEAUTY》，擁抱自己的陰暗醜陋面得到的反饋是美好的！〉。《VOGUE時尚網》 (臺灣中文)。原著喺2018-12-22歸檔。喺2018-12-22搵到。
  2. ↑ 〈蔡依林用《怪美的》，回擊惡評也重塑了自信_Beauty〉。www.sohu.com。喺2018-12-24搵到。
  3. ↑ 3.0 3.1 〈蔡依林專輯Ugly Beauty排行榜紀錄〉。
  4. ↑ 4.0 4.1 〈Jolin《怪美的》登HitFm單曲年度冠軍 力壓田馥甄〉。《蘋果日報》 (臺灣中文)。原著喺2021-04-19歸檔。喺2019-01-31搵到。
  5. ↑ 林怡妘新浪娛樂台灣站 (2018-12-20)。〈蔡依林自揭黑歷史 新歌MV上演八種怪美角色|蔡依林|新歌|黑歷史_新浪娛樂_新浪網〉。ent.sina.com.cn。喺2018-12-22搵到。
  6. ↑ ETtoday新聞雲。〈蔡依林最辣囚犯！「臀部下挖空」電爆 新歌MV玩8種怪美角色 | ETtoday星光雲〉。star.ettoday.net (繁體中文)。喺2018-12-22搵到。
  7. ↑ 7.0 7.1 Chan, bakery、Amber。〈【2019金曲獎】第30屆完整入圍名單出爐！蔡依林、艾怡良、林憶蓮搶歌后寶座，李榮浩、ØZI、謝震廷入圍歌王〉。《GQ瀟灑男人網》 (臺灣中文)。原著喺2019-05-15歸檔。喺2019-05-15搵到。
  8. ↑ 〈蔡依林新專輯樂評：「呸」聲之中登頂個人巔峰_娛樂_騰訊網〉。ent.qq.com (中國中文)。原著喺2018-11-25歸檔。喺2018-05-17搵到。
  9. ↑ 〈Hitoradio‧Hit Fm --華人音樂入口指標〉。www.hitoradio.com。喺2018-11-23搵到。
  10. ↑ 〈【金曲28】蔡依林經典重現　4度表演大亮點〉。Next Magazine TW (臺灣中文)。原著喺2018-06-28歸檔。喺2018-05-17搵到。
  11. ↑ 〈要哭了！ 蔡依林宣布這回是最終演出〉 (臺灣中文)。喺2018-05-17搵到。
  12. ↑ 〈蔡依林《I Wanna Know》：優雅詮釋EDM〉。ent.sina.com.cn。喺2018-05-17搵到。
  13. ↑ 〈一周台灣華語：蔡依林《戀我癖》助陣陳星翰 _娛樂_騰訊網〉。ent.qq.com (中國中文)。原著喺2018-11-25歸檔。喺2018-05-17搵到。
  14. ↑ 〈蔡依林《讓愛傳出去》MV首發 充滿童趣暖心獻禮〉。ent.sina.com.cn。喺2018-05-17搵到。
  15. ↑ 〈蔡依林《We Are One》首發 首嘗試電音曲風〉。ent.sina.com.cn。喺2018-05-17搵到。
  16. ↑ 〈蔡依林單曲《幸福路上》將上線 新歌封面為童年照|蔡依林|幸福路上|祝你幸福_新浪娛樂_新浪網〉。ent.sina.com.cn。喺2018-05-17搵到。
  17. ↑ 104196。〈蔡依林獻唱 《捉妖記2》主題曲《什麼什麼》--人民網娛樂頻道--人民網〉。ent.people.com.cn。喺2018-05-17搵到。{{cite web}}: CS1 maint: numeric names: 作者名單 (link)
  18. ↑ ETtoday新聞雲。〈蔡依林今年唯一單曲！　新專輯進度曝光：比你們迫不及待 | ETtoday星光雲〉。《ETtoday星光雲》 (臺灣中文)。喺2018-06-11搵到。
  19. ↑ 〈蔡依林大病初癒，泰國復工 - 泰國頭條新聞〉。《泰國頭條新聞》 (中國中文)。2018-03-06。喺2018-05-17搵到。
  20. ↑ ETtoday新聞雲。〈蔡依林「正在寫演唱會腳本」　新計劃曝光：希望快確定！ | ETtoday星光雲〉。《ETtoday星光雲》 (臺灣中文)。喺2018-05-17搵到。
  21. ↑ ETtoday新聞雲。〈蔡依林今年唯一單曲！　新專輯進度曝光：比你們迫不及待 | ETtoday星光雲〉。《ETtoday星光雲》 (臺灣中文)。喺2018-06-11搵到。
  22. ↑ 〈蔡依林：11月會非常忙 12月新專輯肯定發_Jolin〉。www.sohu.com。2018-10-13。原著喺2018-11-26歸檔。喺2018-11-15搵到。
  23. ↑ 〈Jolin蔡依林《UGLY BEAUTY》，「追求完美讓我活得不像人！」〉。《VOGUE時尚網》 (臺灣中文)。原著喺2018-12-06歸檔。喺2018-12-05搵到。
  24. ↑ 〈蔡依林MV花絮照曝光 創意獨特 玩8種怪美角色成「最辣囚犯」_Ugly〉。www.sohu.com。喺2018-12-22搵到。
  25. ↑ 〈蔡依林專輯封面曝光！主打〈怪美的〉改4次歌詞破青峰紀錄 - KKBOX 娛樂新聞〉。KKBOX (臺灣中文)。喺2018-12-22搵到。
  26. ↑ 〈蔡依林『怪美的』單曲介紹〉。《銀河網路電台》。喺2018-12-22搵到。
  27. ↑ 〈蔡依林首波主打《怪美的》 千呼萬喚12/21首播_Jolin〉。www.sohu.com。喺2018-12-22搵到。
  28. ↑ ETtoday新聞雲。〈蔡依林新歌曝光！吳青峰歌詞改了4次：她要求越來越高了 | ETtoday星光雲〉。star.ettoday.net (繁體中文)。喺2018-12-22搵到。
  29. ↑ 〈Jolin蔡依林《UGLY BEAUTY》，「追求完美讓我活得不像人！」〉。《VOGUE時尚網》 (臺灣中文)。原著喺2018-12-06歸檔。喺2018-12-05搵到。
  30. ↑ 〈蔡依林《怪美的》MV花絮曝光 表情包激發創意_Jolin〉。www.sohu.com。喺2018-12-22搵到。
  31. ↑ 林怡妘新浪娛樂台灣站 (2018-12-20)。〈蔡依林自揭黑歷史 新歌MV上演八種怪美角色|蔡依林|新歌|黑歷史_新浪娛樂_新浪網〉。ent.sina.com.cn。喺2018-12-22搵到。
  32. ↑ ETtoday新聞雲。〈蔡依林最辣囚犯！「臀部下挖空」電爆 新歌MV玩8種怪美角色 | ETtoday星光雲〉。star.ettoday.net (繁體中文)。喺2018-12-22搵到。
  33. ↑ 〈蔡依林《怪美的》MV花絮曝光 表情包激發創意_Jolin〉。www.sohu.com。喺2018-12-22搵到。
  34. ↑ 〈蔡依林開高衩胸腿齊露 被舞蹈感動催淚〉。《蘋果日報》 (臺灣中文)。原著喺2019-02-18歸檔。喺2019-01-01搵到。
  35. ↑ 新浪娛樂 (2018-10-17)。〈蔡依林劉宇寧薛之謙毛不易加盟江蘇跨年演唱會|薛之謙|蔡依林|劉宇寧_新浪娛樂_新浪網〉。ent.sina.com.cn。喺2018-12-31搵到。
  36. ↑ 薛羽彤 (2018-12-31)。〈NOW跨年／蔡依林辣唱〈怪美的〉 全場嗨翻沸騰！ | NOW跨年〉。《NOWnews 今日新聞》 (臺灣中文)。喺2018-12-31搵到。
  37. ↑ ETtoday新聞雲。〈蔡依林《紅白》新歌首唱 最後「這首」讓全場嗨爆 | ETtoday星光雲〉。star.ettoday.net (繁體中文)。喺2019-01-08搵到。
  38. ↑ 〈【風雲榜】蔡依林壓軸唱〈腦公〉雙人舞好甜 預告演唱會要來了？ - KKBOX 娛樂新聞〉。KKBOX (臺灣中文)。喺2019-02-22搵到。
  39. ↑ ETtoday新聞雲。〈蔡依林「霸氣抓領口」緊貼小鮮肉！下一秒差點嘴對嘴 網激動：姐不可以！ | ETtoday星光雲〉。star.ettoday.net (繁體中文)。喺2019-04-06搵到。
  40. ↑ ETtoday新聞雲。〈蔡依林首登《歌手》飆高音！ 合體青峰唱神曲…網跪：太強了 | ETtoday星光雲〉。star.ettoday.net (繁體中文)。喺2019-04-13搵到。
  41. ↑ 〈蔡依林壓軸登場峨眉山音樂節 「全民歌唱」嗨翻全場[多圖]〉。www.leshan.cn (英文)。原著喺2019-04-28歸檔。喺2019-04-28搵到。
  42. ↑ Chou, Inna (2019-06-21)。〈Coco 李玟演唱會邀蔡依林當嘉賓合唱〈怪美的〉！兩大天后世紀同框Jolin 被虧：喜歡混血兒〉。ELLE (臺灣中文)。喺2019-06-22搵到。
  43. ↑ 〈打成平手！蔡依林獲金曲獎年度專輯，林憶蓮拿下歌后_獎項〉。www.sohu.com (英文)。喺2019-06-29搵到。
  44. ↑ 中時電子報。〈破天荒！周杰倫蔡依林同框了 Jolin貼身豹紋裝辣翻 - 娛樂〉。《中時電子報》 (臺灣中文)。喺2019-09-01搵到。
  45. ↑ ETtoday新聞雲。〈蔡依林央視、台北跨年服裝差很大！陸網友PO出「殘酷比較圖」哭了 | ETtoday星光雲〉。star.ettoday.net (繁體中文)。喺2019-12-31搵到。
  46. ↑ 〈天后也不准「吐口水」 蔡依林歌詞被中國河蟹〉。《蘋果日報》 (臺灣中文)。原著喺2021-04-19歸檔。喺2019-01-07搵到。
  47. ↑ ETtoday新聞雲。〈蔡依林央視、台北跨年服裝差很大！陸網友PO出「殘酷比較圖」哭了 | ETtoday星光雲〉。star.ettoday.net (繁體中文)。喺2019-12-31搵到。
  48. ↑ 〈【榜單】蔡依林《Ugly Beauty》各大排行榜彙整 (2/14更新) - 討論聖地 蔡依林國際歌友會Jolin's Fans Club〉。www.jolin.info。原著喺2019-02-23歸檔。喺2019-02-23搵到。
  49. ↑ 〈中國ヒットソング年間ランキング～シングル～（1位～10位）_中國國際放送局〉。japanese.cri.cn。喺2019-03-16搵到。
  50. ↑ "Top Mandarin Yearly Singles Chart". KKBOX Music Chart (英文). 喺2019-12-04搵到.
  51. ↑ 〈KKBOX 年間 アジア シングルランキング〉。《KKBOX MUSIC AWARDS ランキングサイト》 (日文)。喺2019-12-04搵到。
  52. ↑ 〈KKBOX 華語年度單曲累積榜誰來封王！〉。《KKBOX 風雲榜榜單》 (中文)。喺2019-12-04搵到。
  53. ↑ 〈KKBOX 華語年度單曲累積榜誰來封王！〉。《KKBOX 風雲榜榜單》 (香港中文)。喺2019-12-04搵到。
  54. ↑ "Top Mandarin Yearly Singles Chart". KKBOX Music Chart (英文). 喺2019-12-04搵到.

出面網頁

編輯
由「https://zh-yue.wikipedia.org/w/index.php?title=怪美的&oldid=2144147」收