悲嘆河

悲嘆河bei1 taan3 ho4（英文：Cocytus，讀音似粵拼：kou6 saai1 tat4s），或者譯悲嘆湖bei1 taan3 wu4，係一笪傳說中嘅地方，最先出現喺希臘神話裏面。

19 世紀一幅畫；幅畫描繪畫家想像中「路西法下半身被封喺悲嘆湖入面，仲係噉拍佢對翼」嘅情境。

喺歷史上，悲嘆河嘅形象出現過顯著變化，例如 14 世紀天主教作品《神曲》所描繪嘅 cocytus 同希臘神話入面嘅 cocytus 有相當大嘅差異－希臘神話入面嘅 cocytus 係一條河（呢度譯做悲嘆河），而喺《神曲》入面嘅 cocytus 係一個湖（呢度譯做悲嘆湖）。

個名點嚟

悲嘆河個名嚟自古希臘文：Κωκυτός（羅馬字：kōkūtós），即係古希臘文「悲嘆」噉解。

希臘神話

内文：冥界 (希臘神話)

喺希臘神話入面，悲嘆河係冥界嘅其中一條河，亦係圍繞住死神哈帝斯（Hades）身處之地嘅五大河之一。

神曲

内文：神曲

著名 14 世紀詩歌《神曲》（Divine Comedy）入面講到當時天主教想像中嘅地獄。神曲描繪嘅地獄分九層，最底第九層嘅係「冰之地獄」悲嘆湖－根據神曲嘅描述，悲嘆湖係一個結嗮冰嘅大湖，專門用嚟懲罰叛徒嘅；路西法（Lucifer；因為謀反而畀上帝逐出天國嘅前天使）身處喺悲嘆湖正中央，下半身畀冰封實嗮，佢嘅三個口其中一個就咬住猶大（出賣耶穌嗰位門徒），同時路西法係噉喺度拍佢對翼，產生極凍嘅風令佢同佢身邊嘅叛徒更加凍。

睇埋

• 哈帝斯
• 路西法
• Niflheim
• OVERLORD，其中一個主要角色個名就係嚟自悲嘆河嘅。

拎

• hell - Greece and Rome. Encyclopedia Britannica.