情不禁

《情不禁》喺1991年1月23號出，係香港歌手張學友嘅第9張粵語專輯，唱片製作人歐丁玉，寶麗金唱片公司製作發行。專輯入面嘅一啲作品，如《每天愛你多一些》（原曲日本南方之星嘅《真夏的果實》）已經係華語流行音樂嘅標誌性經典歌。

情不禁
張學友嘅錄音室專輯
發行日期	1991年1月23號
錄製時間	1990年
類型	粵語流行音樂
唱片公司	寶麗金
監製	歐丁玉
張學友專輯年表
夢中的你 （1990年）夢中的你1990 情不禁 （1991年） 一顆不變心 （1991年）一顆不變心1991

影響力

《情不禁》係香港流行音樂嘅一張分水嶺級別嘅唱片。喺該專輯推出嘅年代，1980年代樂壇巨星譚詠麟宣布唔再競逐音樂獎項同張國榮啱啱退出樂壇，1990年代初期正值四大天王形成期間，呢張唱片直接證明咗張學友喺當時香港流行音樂中嘅位置。推出呢張專輯前，張學友嘅《夢中的你》專輯已經喺香港熱賣，而《情不禁》就開始將張學友嘅音樂作品推向一個新嘅高度。主打歌《每天愛你多一些》嘅受歡迎程度超出所有人嘅想像，重成為咗當時香港，臺灣同中國大陸沿海地區年輕人示愛嘅必選歌曲，歌曲影響力貫穿1990年代，直到依家世界各大華語電臺重可以聽到呢隻歌。另外佢改編自好友庾澄慶嘅國語歌曲《想念你》係粵語嘅《早已離開我》，令庾澄慶嘅歌曲開始喺香港令人熟悉；除外，《情不禁》、《馬路英雄》等比較激烈嘅節奏歌曲都異常受到歌迷歡迎。喺經歷咗1980年代中期嘅輝煌，同1980年代末期嘅低沉後，自1990年代，華語流行音樂正式開始咗一個無可取締嘅張學友時代。

曲目

全碟監製：歐丁玉　

曲序	曲目	填詞	作曲	編曲	備註
1.	情不禁	劉卓輝	玉置浩二	唐奕聰	改編自日本組合安全地帶嘅《Lonely Far》
2.	任性	劉卓輝	矢澤永吉	鮑比達	改編自日本歌手矢沢永吉嘅《Diamond Moon》
3.	每天愛你多一些	林振強	桑田佳祐	杜自持	改編自日本組合南方之星嘅《真夏の果実》
4.	馬路英雄	陳少琪	Tony Clarkin Russ Bullard	鮑比達	改編自英國組合Magnum嘅《Rockin』 Chair》
5.	再愛上你	周禮茂	Frannie Golde Andy Goldmark Bruce Roberts	杜自持	改編自美國歌手Glenn Medeiros嘅《Me-U=Blue》
6.	如沒有你	林振強	Julio Iglesias Rafael Garcia Ferro	盧東尼	改編自西班牙歌手Julio Iglesias嘅《Abrázame》
7.	早已離開我	林夕	庾澄慶	盧東尼	改編自台灣歌手庾澄慶嘅《想念你》
8.	小姐，貴姓？	潘偉源	David Was Don Was	唐奕聰	改編自美國組合Was (Not Was)的《How The Heart Behaves》
9.	冰冷的手	向雪懷	黃大軍	陳玉立
10.	緣盡情未了（鄭穎賢合唱）	簡寧	Pierre Cosso Lisa Catherine Cohen	鮑比達	改編自Pierre Cosso、Nikka Costa的《Don't Cry》

獎項

• 1991年度十大勁歌金曲頒獎典禮

• 「十大勁歌金曲」：《每天愛你多一些》
• 「金曲金獎」：《每天愛你多一些》

• 1991年度十大中文金曲頒獎典禮

• 「十大中文金曲」：《每天愛你多一些》
• 「十大中文金曲」：《一顆不變心》

• 1991年度叱咤樂壇流行榜頒獎典禮

• 「叱咤樂壇我最喜愛歌曲」：《每天愛你多一些》
• 「叱咤樂壇至尊金曲大獎」：《每天愛你多一些》
• 「IFPI大獎」：《情不禁》