張國榮
想搵第個意思，請睇「張國榮 (搞清楚)」。
張國榮（粵拼：zoeng1 gwok3 wing4，1956年9月12號—2003年4月1號），祖籍廣東梅州，喺香港出世，英文名 Leslie，係一位喺華人社會有影響力嘅香港男歌手、演員同埋詞曲創作者。
| 張國榮 | |
|---|---|
 張國榮喺《跨越97年演唱會》演出。 | |
| 男藝人 | |
| 羅馬拼音 | Cheung Kwok Wing |
| 英文名 | Leslie Cheung |
| 花名 | 哥哥 |
| 國籍 |
 中國（香港）[1][2][3] |
| 民族 | 漢族 |
| 籍貫 | 廣東省梅州市梅縣區 |
| 出世 |
1956年9月12號 英屬香港九龍 |
| 死 |
2003年4月1號（46歲） 香港中環 |
| 職業 |
|
| 語言 |
|
| 教育程度 | |
| 宗教信仰 | 佛教 |
| 父母 | |
| 音樂類 | |
| 演奏樂器 | 聲樂 |
| 出道地 |
 英屬香港 |
| 出道日期 | 1977年（21歲） |
| 出道作品 | 《I Like Dreamin'》 |
| 代表作品 |
歌曲：
|
| 活躍年代 | 1977年－2003年 |
| 唱片公司 | |
| 網路電影資料庫（IMDb）資訊 | |
| 呢篇文或者呢段要 翻譯（或者由 zh:張國榮加料）。 |
佢喺1984年至1989年間同譚詠麟並稱香港兩大男歌手，成為香港樂壇巨星。喺1988至1989年度《十大勁歌金曲頒獎典禮》連續兩屆攞「最受歡迎男歌星」。
生平改
早年改
張國榮係客家人，喺屋企十個細路之中排最細，有「十仔」呢個乳名。佢曾經喺英國列斯大學（Leeds University）讀書。1976年參加麗的電視（亞洲電視前身）舉辦嘅亞洲音樂歌唱大賽，獲得第二名，從此進入演藝圈。喺早期佢主要係拍劇，都係喺麗的電視，例如《鱷魚淚》、《浣花洗劍錄》、《對對糊》、《甜甜廿四味》等等。1978年佢出咗佢第一張唱片《Day Dreaming》，係英文歌；1979年又推出咗粵語唱片《情人箭》。
佢嗰陣時並唔係好紅，尤其係佢形象帶有占士甸（James Byron Dean）嗰種反叛同埋浪漫，當年大眾唔太接受。喺一次戶外表演中佢向現場觀眾掟帽，但帽就被人掟返轉頭，現場觀眾重柴佢臺。
佢嗰陣時嘅知名度，可以從佢響1982年轉投無綫電視（歌星合約）可以睇到。嗰年佢最出名嘅歌，係兒童節目《宇宙大帝》主題曲。
無綫電視改
早喺1982年加入無綫電視嗰陣，張國榮就加入咗華星娛樂有限公司（唱片合約）。1983年，佢推出唱片風繼續吹，裡面同唱片同名嘅廣東話主打歌，為張國榮打響頭炮。而真正令佢走紅嘅，係1984年佢主演無綫劇集《儂本多情》。劇裡面佢飾演一個花花公子，呢種形象令到觀眾覺得好深刻。同年佢亦憑《Monica》一曲首奪十大中文金曲同埋TVB十大勁歌金曲嘅金曲獎，瞬間變為天王級歌手。無綫有啲重頭劇嘅主題曲係曲張國榮主唱，例如1985年《楊家將》。
1980年代，香港樂壇原本係由譚詠麟玩晒，但張國榮走紅，開始挑戰到譚詠麟嘅地位。1987年，張國榮憑一曲《有誰共鳴》壓倒譚詠麟，第一次奪得無綫十大勁歌金曲金獎（1986年度）；同年轉投新藝寶唱片有限公司，大碟《Summer of Romance 87》銷量超過六白金，成為當年 IFPI 香港唱片銷量冠軍。碟裡面嘅《無心睡眠》更加係香港樂壇經典快歌之一。
1988年，張國榮成為第一位亞洲區百事巨星代言人，並喺香港紅磡體育館開咗23場百事巨星演唱會[4]。喺紅極一時嗰陣，張國榮一直被譚詠麟歌迷視為敵人，兩位星級歌手嘅歌迷成日有磨擦，曾經喺某個頒獎禮後台發生衝突，好幾個人受傷。譚詠麟因此公開話，唔會再攞任何樂壇獎項。
1980至90年代，張國榮喺影壇同樣取得輝煌成就，1986年佢同周潤發合作嘅《英雄本色》勁收，重第一次攞香港電影金像獎最佳男主角提名；1987年《倩女幽魂》》首度獲得臺灣金馬獎最佳男主角提名。
喺1988至1989年度《十大勁歌金曲頒獎典禮》，張國榮連續兩屆奪得「最受歡迎男歌星」獎[5]。但佢係呢個時候卻突然宣佈退出歌壇，並喺香港紅磡體育館舉行33場告別演唱會，進行封咪儀式。張國榮自己話「封咪」係因為自己偶像山口百惠退隱，但多數人都認為咁只係導火線，真正原因重惹嚟猜測。
退出樂壇，揚威影壇改
退出樂壇之後張國榮專心攻影壇。1991年，張國榮因主演《阿飛正傳》，獲得第十屆香港金像獎最佳男主角，成為「香港金像獎影帝」。1993年，張國榮主演嘅電影《霸王別姬》攞法國康城影展嘅金棕櫚獎、國際影評人聯盟大獎費比西獎同埋美國金球獎嘅最佳外語片獎，並獲得美國奧斯卡最佳外語片提名。同年，張國榮亦因此片獲日本影評人協會頒發最佳男主角獎，以及第四屆中國電影表演藝術學會獎特別貢獻獎。1994年，張國榮因主演《東邪西毒》，獲香港電影評論學會大獎－最佳男演員獎[6]。
張國榮亦曾被邀擔任日本東京國際電影節青年導演獎（1993年）及德國柏林國際影展（1998年）嘅評委，係公認最傑出嘅華人影星之一。
張國榮影壇生涯主要演文藝片，但商業片佢都拍唔少。好似《家有囍事》、《金玉滿堂》、《大三元》呢啲張國榮係以搞笑形象演出。其中《家有囍事》收四千九百萬港紙票房，係張國榮從影以嚟最收得嘅。
復出樂壇，走向事業另一高峰改
1995年，張國榮推出唱片《寵愛》後正式宣佈復出樂壇。此後陸續推出多張唱片，皆取得銷售量佳績，攞業界好評。
張國榮幾受日、韓觀眾喜愛，1996年年獲日本《ASIA POP》雜誌讀者票選為《人氣最旺》、《最佳藝人》大獎。
1996年12月，張國榮喺香港紅磡體育館舉行「跨越97演唱會」24場，世界巡迴31場。
2000年初，張國榮喺1999年度《十大中文金曲頒獎典禮》攞「香港樂壇最高榮譽大獎——金針獎」。其後舉行「熱情演唱會」，全球巡迴43場，受到樂迷嘅熱烈歡迎。
喺2000年到2001年呢兩年內，張國榮幾乎攞晒中國藝壇嘅所有最高獎項，包括「最流行歌手」、「最傑出藝人」等「當紅」大獎：
- 香港電台「九十年代十大演藝紅人」冠軍
- CCTV-MTV音樂盛典頒獎禮亞洲最傑出藝人獎
- 首屆中國華語流行樂傳媒大獎最佳流行男歌手獎
- 第二十三屆香港電台十大中文金曲獎終身成就獎金針獎
- 第二十三屆香港電台十大中文金曲獎（歌曲《大熱》，退出領獎）
- 無線電視十大勁歌金曲獎榮譽大獎
- 第十三屆商台叱吒樂壇至尊歌曲大獎（歌曲《左右手》，退出領獎）
- 新城勁爆年度歌曲金獎（歌曲《左右手》）
- 《明報週刊》最突出男歌手獎（歌曲《路過蜻蜓》）
- 《明報週刊》致敬大獎（「熱·情」演唱會）
- 雪碧中國原創音樂榜千禧全國成就大獎
- 雪碧中國原創音樂榜千禧全國成就大獎金曲獎（歌曲《發燒》）
- 無線電視十大勁歌金曲獎致敬大獎
- 四台聯頒音樂大獎之大碟獎（唱片《Untitled》）
- 香港電台二十五週年銀禧（榮譽大獎）
- CASH 金帆音樂最佳另類作品（歌曲《這麼遠那麼近》）
- 第三十屆台灣電影金馬獎最佳電影歌曲獎《紅顏白髮》(電影《白髮魔女傳》主題曲) [7]
- 第三十七屆台灣電影金馬獎最佳男主角提名（電影《槍王》）等
2001年，張國榮獲日本擁有最多會員嘅亞洲電影影迷會“飲茶俱樂部”（CINECITY）投票選為2000年度“最佳男演員獎”（電影《流星語》）。呢個獎項共舉辦11年，張國榮連續十年奪冠。
私生活改
張國榮非常注重個人私隱，唔願意向公眾公開太多私生活，但係由於佢個人嘅成就同埋地位，佢嘅私生活一直備受傳媒關注。90年代初，香港傳媒報道指張國榮係同性戀者，又跟蹤偷拍到同佢親密嘅同性好友唐鶴德嘅相。經過反覆嘅糾纏甚至衝突，張國榮索性喺1996年底嘅復出歌壇演唱會上公開多謝唐鶴德，話佢同埋自己阿媽係「生命中至愛嘅朋友同埋親人」；1999年喺個人寫真集《Leslie的所有》採訪中，承認自己同埋唐鶴德相識於微時，彼此嘅友好關係已經十幾年；更喺2001年《時代週刊》亞洲版訪問上，表明幫TVB拍music video時太過性感而被禁止，佢都知咁做會俾聽眾同埋觀眾懷疑或相信佢係同性戀，但係佢認為個video所講嘅自己其實係雙性戀較恰當[8]。但係上述嘅報道祇係雜誌編寫，無得到張國榮確認。
自殺改
2003年4月1號，張國榮喺香港文華東方酒店（Mandarin Oriental）因病跳樓自殺。佢喺遺書中寫「Depression，多謝各位朋友，多謝麥列菲菲教授。呢一年嚟好辛苦，再忍受唔到，多謝唐生，多謝屋企人，多謝肥肥。我一世冇做壞事，點會噉㗎？」。佢喺遺書中感謝各位朋友、唐鶴德先生以及佢嘅精神科醫生。經理人陳淑芬女士其後證實佢患上抑鬱症，努力治療年幾，但係仍然因為病情失控而自殺。
葬禮改
2003年4月8號，張國榮嘅葬禮喺香港殯儀館舉行，由唐鶴德以未亡人嘅身份同埋其佢家人打點一切。大批歌迷喺當日早早聚集喺殯儀館外，喺場嘅唔少明星同埋歌星，如張國榮生前嘅知己梅艷芳，都喊到收唔到聲。電影界代表導演徐克，音樂界代表填詞人黃霑同埋藝人代表張學友讀悼詞。劉純豪、羅建基、徐克、張學友、關錦鵬、劉培基、梁家輝、林夕等八人爲張國榮扶靈，送佢最後一程。香港無綫電視現場直播整個葬禮，多間海外電視台亦有直播報道。
2003年，張國榮獲第三屆華語流行樂傳媒大獎追頒「終身成就獎」。
2003年6月，新浪網與國內17家媒體共同推出的大型公眾調查：《中國二十世紀十大文化偶像》，張國榮當選為第七位。[9]
2003年7月，韓國電影頻道OCN於6月1號—7月20號聯同其他電影網頁合辦「百大影星選舉」，近四萬人參與投票，「百大影星」中有四成係外國演員，張國榮獲最高位置名列第十，成為外國影星之首，而其他上榜嘅外國演員有茱莉亞羅拔絲、羅拔迪尼路及湯告魯斯等。
2004年，張國榮獲第二十三屆香港電影金像獎追頒「演藝光輝永恆大獎」。
2005年由香港影藝界所舉辦嘅「中國電影一百年」活動當中，張國榮被香港人選為呢一百年嚟最喜愛嘅男演員[10]。
2005年11月8號，香港郵政推出「香港流行歌星」郵品系列，張國榮成為其中一位獲致敬推出郵票嘅歌手（面額係3蚊）[11]。
2006年，日本國營電視台NHK通過網站（www.nhk.or.jp/bscinema/）進行問卷調查，10181名日本觀眾參與呢次投票，張國榮被選為“十佳演員”，同湯告魯斯、羅拔迪尼路、尊尼波達等世界超級明星齊名。《霸王別姬》則被選為「十佳影片」。[12]
2007年，韓國首爾《第一届忠武路國際電影節》，播映嚟自三十二個國家嘅經典作品，以懷念多位影壇巨星。當中包括張國榮嘅《烈火青春》、奇勒基寶及慧雲李嘅《亂世佳人》、差利卓別靈等一系列作品，向他們嘅演藝事業致敬。[13]
傳聞改
2004年11月，有傳聞指一個阿根廷華人喺布宜諾斯艾利斯旁邊嘅一個小鎮見到貌似張國榮嘅中年男人，隨後就有大量傳聞講述張國榮實際喺阿根廷，並隱居喺一個規模唔大嘅農場中。雖然呢件事被大批嘅媒體所報道，但並冇實際嘅證據證明張國榮隱居喺阿根廷。另外張國榮由自殺身亡直到出殯，遺體一直都冇公開露面，官方嘅講法係由於從高處墮下，所以遺容唔方便瞻仰，但係除咗一啲親人同埋非常好嘅朋友外，大家都唔能夠親眼見到張國榮嘅遺體，噉亦為傳講製造咗便利嘅機會。
大事紀改
- 1956年9月12號係香港九龍出世。
- 1969年去英國讀中學。中學畢業後考入英國列斯大學。
- 1977年參加麗的電視嘅亞洲業餘歌手大賽，憑美國歌手Don Mclean嘅American Pie攞到香港區亞軍而入行。
- 1978年1月推出英文唱片《Day Dreamin'》。
- 1979年推出首張粵語唱片《情人箭》。
- 1980年，《我家的女人》攞到大英國協電影電視節最佳表演獎。
- 1982年轉投華星唱片。
- 1982年憑《烈火青春》首次攞到金像獎影帝提名。
- 1983年推出唱片《風繼續吹》。
- 1984年憑唱片《Leslie》嘅歌曲《Monica》紅遍香港。
- 1985年，喺香港紅館連開10場張國榮百爵夏日演唱會，打破香港歌手初次開演唱會嘅場數紀錄。
- 1986年，喺十大勁歌金曲季選一人獨佔七首歌，係眾歌手之最；同年，佢有5首歌曲入選香港電台龍虎榜冠軍歌曲，成為入選歌曲數量最多嘅香港歌手。年尾更憑一曲《有誰共鳴》奪得十大勁歌金曲頒獎禮的壓軸大獎金曲金獎。同年更擔任《香港小姐競選》嘅司儀。
- 1987年，推出《無心睡眠》。
- 1987年，憑《英雄本色2》攞到香港電影金像獎最佳男主角提名。
- 1987年，參演《倩女幽魂》。
- 1988年，同許冠傑推出《沉默是金》。
- 1991年，憑《阿飛正傳》旭仔一角攞到香港金像獎影帝。
- 1993年，憑《霸王別姬》揚威國際。
- 1995年，復出樂壇。
- 1999年，推出歌曲《左右手》橫掃各個樂壇頒獎典禮。
電影年表改
1977年
1980年
- 《喝采》
1981年
- 《失業生》
1982年
1983年
1984年
1985年
1986年
1987年
1988年
1989年
- 《新最佳拍檔》
1990年
- 《倩女幽魂II：人間道》
- 《阿飛正傳》
1991年
1992年
1993年
1994年
- 《錦繡前程》
- 《東邪西毒》
- 《金枝玉葉》
- 《大富之家》
- 《記得香蕉成熟時II初戀情人》
1995年
1996年
1997年
- 《春光乍洩》
1998年
1999年
2000年
2002年
- 《異度空間》
音樂年表改
1977年
1979年
1983年
1984年
1985年
1986年
1987年
1988年
1989年
1990年
1991年
1992年
1993年
1995年
1996年
1997年
1998年
1999年
2000年
2001年
2002年
2003年
- 一切隨風
- 傳奇影匠
- 夜半歌聲電影原聲帶
- 摯愛-張國榮 1995-2003 （2CDs + DVD）（韓國限量版）（加入韓文歌
- 摯愛-張國榮 1995-2003香港區特別版 （2CDs+VCD）, 張國榮 2CD 精選 - The Classics
2004年
- History．His Story （限量版珍藏版）
- 鍾情張國榮
- 張國榮-經典國語專輯全集
- 環球影音啟示錄-張國榮
- Summer Romance '87 （復黑版）
- Daydreamin' （復黑版）
- 華星DSD復刻經典-張國榮的一片痴
- 華星DSD復刻經典-風繼續吹
- 華星DSD復刻經典-為妳鍾情
- 情人箭 （復黑版）
- Leslie （復黑版）
- Dreaming （復黑版）
- 張國榮 88' 演唱會 （復黑版）
2005年
- 張國榮告別樂壇演唱會 （復黑版）
- Salute （復黑版）
- 張國榮 - Final Collection （8CD Set）
- 華星DSD復刻經典-Stand Up
- 華星DSD復刻經典-張國榮
- 華星DSD復刻經典-張國榮
- 傳奇-張國榮 Dance & Remix
2006年
2009年
逝世周年紀念改
- 2004年4月1號前後
- 2005年4月1號前後 - 中環遮打花園。
- 2006年4月1號前後 - 中環香港文華東方酒店對面，康樂大廈廣場。
- 2007年4月1號前後 - 尖沙咀新世界中心地下廣場。
- 2008年4月1號前後 - 尖沙咀香港文化中心露天廣場、行政大樓展覽館。
- 2008年3月31號～4月1號 - 紅磡體育館《Miss You Much Leslie 繼續寵愛音樂會》[14]
- 張國榮逝世五周年紀念音樂會。由經紀人陳淑芬擔任演唱會總監兼出品人，張學友擔任藝術顧問，請咗幾十位張國榮生前歌手同埋演員好友參與演出，重新詮釋佢啲經典歌。音樂會原訂4月1號搞，門票開售之後兩個鐘之內賣晒，由於太多人想去，所以喺3月31號開多一場。音樂會收益喺扣除開支後，撥捐作慈善用途。
- 2008年9月12號 - 重慶奧體中心《繼續寵愛——紀念張國榮音樂會》。[15]
- 2009年4月1號 - 尖沙咀香港文化中心「有心。人。共鳴─張國榮作品致敬晚會」。
參考改
- ↑ "張國榮" (中文). 環球網. 原著喺2016年3月24號歸檔. 喺2015年10月30號搵到.
- ↑ "張國榮" (中文). 騰訊娛樂. 原著喺2016年3月6號歸檔. 喺2015年10月30號搵到.
- ↑ "盤點那些敢於「頂風愛國」的香港藝人們" (中文). 大公網. 原著喺2015年9月28號歸檔. 喺2015年10月30號搵到.
- ↑ "第一代百事巨星". 原著喺2009年3月19號歸檔. 喺2007年9月2號搵到.
- ↑ 最受歡迎男歌星
- ↑ 香港電影評論學會最佳男演員獎[失咗效嘅鏈]
- ↑ 金馬獎最佳電影歌曲獎
- ↑ 時代週刊亞洲版訪問: MAY 7, 2001, VOL.157 NO.18
- ↑ "中國二十世紀十大文化偶像". 原著喺2008年4月17號歸檔. 喺2008年5月3號搵到.
- ↑ "張國榮被選為一百年來最喜愛的男演員". 原著喺2009年3月19號歸檔. 喺2007年9月2號搵到.
- ↑ "香港流行歌星郵票". 原著喺2007年11月16號歸檔. 喺2007年9月2號搵到.
- ↑ "張國榮被選為"十佳演員". 原著喺2007年8月29號歸檔. 喺2007年9月2號搵到.
- ↑ 韓國首爾電影節向張國榮致敬
- ↑ "Miss You Much Leslie 繼續寵愛音樂會官方網站". 原著喺2011年7月21號歸檔. 喺2019年4月6號搵到.
- ↑ "重慶繼續寵愛音樂會". 原著喺2008年11月21號歸檔. 喺2009年1月10號搵到.
出面網頁改
| 維基同享有多媒體嘅嘢： 張國榮 |
| 維基語錄收錄咗同呢篇文相關嘅摘錄： :zh:张国荣 |
- Leslie Cheung's Cyberworld （香港）
- レスリー・チャン（張國榮）スマイル
- Leslie's Fan Club （大陸）
- Leslie Cheung Internet Fan Club
- 哥哥香港网站
- RED Mission Official Site
- 張國榮喺香港影庫嘅資料（繁體中文 - 香港）
- 張國榮喺互聯網電影資料庫嘅資料（英文）
- 張國榮喺AllMovie嘅頁面（英文）
- 張國榮喺爛番茄嘅資料（英文）
- 張國榮喺中文電影資料庫嘅資料
- 張國榮喺豆瓣電影嘅資料（大陸簡體）
- 張國榮喺時光網嘅資料（大陸簡體）
- 香港電台：《不死傳奇：唯美鍾情~張國榮》
- 賞榮閣 Admire Leslie Kok
- 他在2046嗎?