惡意 (中國政治術語)

喺中國，有啲官員有時會用「惡意」嚟形容一啲人民行徑。本來人民法理上有權咁做，但呢啲官員覺得佢哋咁做會對佢哋或社會其他人有所影響，所以就將佢哋嘅行為冠以「惡意」之名，甚至採取約談等行政手段處理。其中部分指控有「惡意上訪」，「惡意討薪」，「惡意返鄉」等。

2022年山東青島「惡意不買房」指控爭議

喺2022年，為咗拯救經濟，中國各地將「救房市」列為要項，軟硬花招盡出。6月17號，青島市薛家島街道辦事處發布「關於做好促進居民購買新建商品房的通知」，其中包括下令調查居民購房意願，仲要求針對「惡意不買房」而且銀行有巨額存款嘅人者，一律約談，結果遭到眾多中國網友訕笑同埋批評。。冇幾耐之後，中國官媒《證券時報》亦批評呢個做法矯枉過正。