惡意 (中國政治術語)
喺中國，有啲官員有時會用「惡意」嚟形容一啲人民行徑。本來人民法理上有權咁做，但呢啲官員覺得佢哋咁做會對佢哋或社會其他人有所影響，所以就將佢哋嘅行為冠以「惡意」之名，甚至採取約談等行政手段處理。其中部分指控有「惡意上訪」，「惡意討薪」，「惡意返鄉」等[1]。
2022年山東青島「惡意不買房」指控爭議
編輯喺2022年，為咗拯救經濟，中國各地將「救房市」列為要項，軟硬花招盡出。6月17號，青島市薛家島街道辦事處發布「關於做好促進居民購買新建商品房的通知」，其中包括下令調查居民購房意願，仲要求針對「惡意不買房」而且銀行有巨額存款嘅人者，一律約談，結果遭到眾多中國網友訕笑同埋批評。[2][3]。冇幾耐之後，中國官媒《證券時報》亦批評呢個做法矯枉過正[4]。
參考
編輯- ↑ 〈不許惡意還鄉 惹怒無數人〉。《RFI - 法國國際廣播電台》 (繁體中文)。2022-01-21。喺2022-07-03搵到。
- ↑ 〈催高房地產經濟高招：懲罰"惡意不買房"〉。《RFI - 法國國際廣播電台》 (繁體中文)。2022-06-23。喺2022-07-03搵到。
- ↑ 自由時報電子報 (2022-06-28)。〈西瓜換房到惡意不買房 中國官商花招盡出救房市 - 自由財經〉。《自由時報電子報》。喺2022-07-04搵到。
- ↑ 中時新聞網。〈有巨額存款不買房將約談？ 青島「惡意不買房」被批矯枉過正 - 兩岸〉。《中時新聞網》 (中文)。喺2022-07-04搵到。
