意大利社會共和國

意大利社會共和國意大利文Repubblica Sociale Italiana),又叫做薩羅共和國(Repubblica di Salò),係第二次世界大戰末期墨索里尼希特拉嘅扶植底下喺意大利北部建立嘅法西斯主義傀儡政權,1943年9月23號成立,1945年4月25號滅亡。

意大利社會共和國係意大利法西斯國家嘅第二個、亦係最後一個政權,由墨索里尼同埋佢改革之後嘅反君主主義嘅共和法西斯黨領導。國家宣布羅馬係佢嘅首都,但係實際上權力中心喺薩羅(所以有薩羅共和國呢個名),佢係喺加爾達湖上面嘅一個小鎮,靠近布雷西亞,墨索里尼同外交部嘅總部就喺嗰度。意大利社會共和國喺意大利北部同中部行使名義上嘅主權,但係主要依靠德國軍隊先維持到控制。

歷史

1943年7月,同盟國將意大利趕出北非並隨後入侵西西里島之後,大法西斯委員會——喺維托里奧·埃馬努埃萊三世國王的支持下——推翻並捉咗墨索里尼。新政府開始同同盟國秘密進行和平談判。當9月8日宣布意大利與盟國停戰時,德國做咗準備,並迅速進行干預。德國控制咗意大利北部,放咗墨索里尼,並將佢帶到德國佔領區建立傀儡政權。意大利社會共和國於1943年9月23號宣布成立。儘管該政權聲稱對意大利大部分領土擁有主權,但佢事實上嘅管轄範圍只擴大到意大利嘅一小部分地區。意大利社會共和國只得到軸心國同佢嘅衛星國嘅外交承認。芬蘭同維希政權統治下嘅法國在納粹勢力範圍內都不承認佢。佢同阿根廷、葡萄牙、西班牙以及通過商業代理商同瑞士保持非正式關係。梵蒂岡城不承認意大利社會共和國。

1945年4月25號,亦即係建國19個月後,意大利社會共和國幾乎崩潰。在意大利,這一天被叫做解放日。喺嗰一日,一場廣泛嘅黨派起義,連同盟軍喺意大利嘅最後進攻中嘅努力,成功將德國人幾乎全部驅逐出意大利。4月27號,意大利游擊隊捉到正喺度逃走嘅墨索里尼同佢嘅情婦(克拉拉·佩塔奇)、幾名意大利社會共和國部長同其他幾名意大利法西斯分子。4月28號,游擊隊槍殺墨索里尼、佩塔奇同大多數其他俘虜。意大利社會共和國嘅國防部長魯道夫·格拉齊亞尼喺5月1號,即係德國喺意大利投降嘅第二曰,交出了意大利社會共和國剩低嘅一切。