愛膚堅
廣告 編輯
愛膚堅嘅廣告喺1970年代初至今仍然喺香港無綫電視同亞洲電視嘅非繁忙時間播出。廣告喺20幾年嚟都冇變過，但製作粗糙。到咗後期播出嗰陣，已經變得好過時，往往令觀眾哭笑不得，但反而令到大眾留意。當中兩個最廣為人知嘅版本有：
- 盧海鵬扮做一個大帥，赤腳喺地下度跳舞，大嗌：「香港腳痕到跳舞！」跟住一個副官幫佢噴愛膚堅喺隻腳度，然後盧海鵬話：「用愛膚堅一噴，舒服晒！」
- 一部的士喺一個路口失控，的士停定後，上唇有鬚嘅的士司機向乘客道歉話：「對唔住，香港腳發作。」男乘客回應：「哼！用愛膚堅啦！」
愛膚堅嘅廣告通常同「黑旋風」廣告一齊播出。黑旋風係喺香港賣嘅一種殺蟲水，個廣告亦非常簡單，係一個忍者打扮嘅黑衣人噴殺蟲水，旁白話：「黑旋風夠晒威，黑旋風的確好使。」。
又一個經常同時播放嘅廣告係「腳癬靈」。畫面係一隻放大咗嘅腳，下面為一個人。旁白話：「你香港腳好番未呀？重痕呀？」，然後有另一把聲話：「如用其他藥無效，請快用腳癬靈啦。」
拎 編輯
 |