懷俄公國

懷俄公國（英文：Principality of Wy）係喺澳洲雪梨郊區嘅莫斯曼自治市嘅一個私人國家，由地方政府官方授權認可而成立。

史

1993年，藝術學校校長德爾普拉（Paul Delprat）希望可以喺佢住嘅屋企前便起一條通去佢嘅車房嘅路，向莫斯曼市申請。但係因為保羅屋企前便嘅路係林木保護區，加上有官僚作風嘅市政府一拖再拖，搞到德爾普拉好嬲，對外發布咗懷俄公國嘅獨立宣言。

2004年 11月13號，莫斯曼市長喺大會堂接受咗德爾普拉嘅獨立宣言，懷俄公國正式由莫斯曼市獨立。

懷俄公國人口得五個，包括德爾普拉本人、佢老婆、同埋佢三個仔女。