戀風

《戀風》（粵拼：lyun5 fung1；日文：恋風こいかぜ^{(Koi Kaze)}；英文：Love Wind）係一部情感類漫畫，由吉田基已創作。呢部作品首先喺2001年9月喺雜誌《Evening》發表，之後一路連載到2004年10月。呢部作品嘅各章節最後集合爲五輯嘅單行本，由講談社出版發行。呢部漫畫講嘅係27歲嘅耕四郎同佢15歲嘅妹七夏之間嘅感情歷程以及隨之嘅問題。

除咗出書，重出埋13集嘅動畫片，呢部片由A.C.G.T製作、大森貴弘導演，喺2004年4月1號到2004年6月17號期間喺朝日電視臺度播出。而喺網上放時就得12集。喺2005年，部片嘅DVD版喺北美發行，總共三隻碟，由Geneon娛樂株式會社發售。