戈蘭高地希伯來文רמת הגולן阿剌伯文هضبة الجولان ,英文:Golan Height)係介乎以色列約旦黎巴嫩敘利亞嘅一笪地。

美國中央情報局繪製嘅戈蘭高地現況地圖
由敘利亞軍隊建立嘅地雷警告牌,到而家重有效。

戈蘭高地原本屬於敘利亞,但以色列響1967年六日戰爭,同埋1973年贖罪日戰爭,佔領咗呢塊地。根據聯合國安理會嘅242號決議,以色列應該撤出呢度,不過,喺1981年,以色列通過咗戈蘭高地法,唔單只繼續佔領戈蘭高地,重將渠歸入以色列北區,響戈蘭高地用以色列法律。

人口 編輯

根據2005年人口統計,戈蘭高地嘅人口大約係38,900;其中19,300係當地原居民,而家敘利亞政府仍然當佢哋係公民,提供同敘利亞公民一樣嘅福利;而百分之十左右拎咗以色列公民身份;2,100係回教徒,另外16,500係猶太人。以色列政府響度起咗啲殖民區。

編輯

六日戰爭之後 編輯

有八到十萬阿剌伯人錫爾凱色人同埋原居民,喺六日戰爭期間離開咗戈蘭高地。以色列政府喺戰後以保安為理由,唔准佢哋返嚟。以色列政府隨即建立殖民區,去到2004年,已經建立咗三十四個殖民區,而家響當地大部分猶太人,都係住響呢啲殖民區。

喺1973年贖罪日戰爭爆發後,1974年,敘利亞同以色列簽咗停火協定。根據停火協定,大部分戈蘭高地由以色列繼續控制,敘利亞只保留部分非軍事區。

以敘之間關於戈蘭高地嘅主權談判 編輯