戲棚 (電影)
《戲棚》（英文：Bamboo Theatre）係香港導演卓翔嘅作品，由西九文化區戲曲中心委約製作，喺韓國DMZ國際紀錄片影展2019作世界首映，獲提名「第56屆金馬獎」最佳紀錄片同「第39屆香港電影金像獎」新晉導演，同時榮獲「第十二屆香港電影導演會年度大獎」執委會特別獎同獲選為「第26屆香港電影評論學會大獎」年度推薦電影。
簡介 編輯
一座座以竹竿搭建而成嘅臨時劇場，每年都會出現喺香港唔同嘅角落，漁村、鄉鎮、小島以至市區都有佢哋嘅築跡。呢個早喺一百五十年前已經出現嘅文化場所，係香港獨有保存嘅非物質文化遺產，集結戲棚搭建技藝、民間風俗同戲曲藝術於一身。影片豐富紀錄呢種文化場所出現嘅唔同族群：戲棚師傅點樣搭建可以容納成千人嘅劇場空間；鄉民點樣參與娛樂神同人嘅酬神活動；劇團點樣飾演一段段扣人心弦嘅戲曲表演。透過鏡頭，帶住觀眾遊走喺佢哋當中，傾聽佢哋嘅對話、了解佢哋嘅生活，感受一座座戲棚蘊藏嘅魅力。
出面網頁 編輯
- 戲棚嘅facebook頁
- 戲棚喺互聯網電影資料庫嘅資料（英文）
- 《戲棚》喺豆瓣嘅資料（大陸簡體）
