房，有時叫房間，包括廳，係一個建築物入面嘅間隔空間，由牆、間板、屏風咁劃出佢個範圍，又用門、窗、天、閘、出口、通道、走廊、樓梯、橋咁，同其它空間同外面世界往來。
房嘅類型跟住住宅、寫字樓、學校、教堂功能分類，叫做客廳、飯廳、廚房、睡房、書房、閣樓、健身室、康樂室、工人房、衣帽間、會議室、沖涼房、廁所、自修室、禮堂、課室、校長室、經理室咁。
