打電話問功課

打電話問功課係香港喺1980年代為小四至中三學生而設嘅免費電話功課輔導熱線，電視教育節目喺1985年5月至1990年9月播出，由香港電台電視部聯同香港教育專業人員協會（教協）製作，逢禮拜一至五提供一條功課輔導熱線：3-384838，每日由教協嘅志願教師喺收工之後，喺指定時間嘅六個鐘裏面，透過電話熱線為學生解答功課嘅問題，並喺每日下晏有半個鐘嘅電視直播。

當中有部份學生常問或者比較特別嘅問題，會特別安排喺電視節目播放時段解答，並有教師喺電視度講解。節目嘅主持人亦係教協嘅志願教師，

由於喺1980年代嘅香港，除咗比較有錢嘅屋企之外，一般家庭好少能夠負擔補習嘅費用，而當時補習社喺香港亦未開始普遍，呢個節目為一般學生填補咗學校教育同私人補習班嘅不足。