打鬧玩

打鬧玩（英文：rough-and-tumble play / play fighting）指有競爭性同粗魯嘅玩，例子有好多細路（尤其係男仔）當中見到嘅玩打交。

除咗要用體力之外，打鬧玩仲涉及相當複雜嘅人際交流－打鬧玩要求參與者一路唔好嚟真出手，先至可以保持喺「玩」嘅狀態（如果有其中一方出茅招真係郁手打人，噉場打鬧玩就會變成真係打交），所以打鬧玩必然要求一定嘅合作性，而一旦有個細路喺打鬧玩途中真係郁咗手，同佢玩嘅細路就需要判斷佢係錯手定係有惡意；研究指因為呢啲緣故，打鬧玩相當有助於細路發展同人相處嘅技巧。