拿破崙三世（法文：Napoléon III，1808年4月20號—1873年1月9號）係法蘭西第二帝國唯一皇帝，亦係法國末代君主，1852年到1870年在位。佢登基前係法蘭西第二共和國唯一總統，1848年到1852年在任，亦係法國頭一位民選領袖。佢本身係拿破崙一世個侄同繼承人。佢喺1848年當選總統，三年後發動政變成功。佢隨即喺第二年，亦都係拿破崙一世登基嘅第48周年稱帝。1870年9月4號，佢喺普法戰爭入邊戰敗退位，被迫流亡英國。1873年死喺英國。
