摩受采Mošovce)係斯洛伐克境內圖列茨地區(Turiec)最大嘅村落。

摩受采喺斯洛伐克嘅位置

歷史 編輯

摩受采有770多年嘅歷史,呢段歷史可以從當地好多得到保存嘅歷史建築物得以證明,而摩受采個名首次響國王安德魯二世捐贈嗰陣時出現。最初摩受采係由兩個定居點組成:第一個,Machyuch,位於今日嘅StarýRad;第二個係Terra Moys,呢個名沿用到今日,佢哋曾經佔有今日嘅Vidrmoch。第二個定居點個名稱解作「Mojš的土地」,呢點令人相信整條村曾經屬於某位Mojš先生。佢個名可能係一個斯拉夫Mojtech嘅縮寫,類似嘅名稱有VojtechMojmír。該條村個名歷年來經過好多變化,從MossovychMosoczMossoweczvilla regia Mayos alio nomine Mossovychoppidioum Mayus sue MosoczMosocz olim Mayus到今日嘅Mošovce。至於舊陣時一個屬於摩受采一部分嘅舊定居點Chornukov,佢個名以Čerňakov呢個現代形式保存落嚟。

摩受采最初被發展為一個擁有自由擁護權利嘅皇室部落,而由14世紀中葉開始就成為Blatnica皇室城堡支配嘅一個特權城。但係響1527年,摩受采落入了Révay家族手中,失去城鎮特權將近四百年。

摩受采過去喺圖列茨地區係一個重要嘅工藝中心。當地工藝行業經歷咗一個驚人嘅發展,城鎮入面有大概15個公會,當中以皮靴商人同毛皮商人公會喺嘅度嘅時間最耐。現時摩受采就變成為一個擁有多個景點嘅重要旅遊區。

景點 編輯

 
摩受采房屋嘅原始建築風格

當地其中一個最引人注目嘅古跡就係依照洛可可風格而興建嘅古典府邸。呢間府邸響18世紀後半期興建,府邸對出有一個英式公園。其他景點包括:Ján Kollár嘅出生地、一間擁有一個貴重聖壇嘅新歌德式天主教堂、一間響1784年興建嘅信義宗教堂、一間由陵墓改建而成嘅工藝博物館、一間新藝術派溫室、一個響1800年興建嘅花園涼亭。

大自然 編輯

摩受采周圍有唔少獨特嘅風景。一群複雜嘅歷史園林同果樹園,連同Veľká Fatra區嘅森林地帶,創造出新穎美學同令人印象深刻嘅景觀。而呢個山脈可以話係斯洛伐克境內眾多山脈中最有吸引力嘅。當地嘅石灰岩白雲石擁有奇異造型,而喺摩受采附近嘅Blatnická同Gaderská Valleys亦都擁有美麗環境。呢啲大自然風景都吸引到世界唔同地方嘅人到來。

文化傳統 編輯

摩受采呢個地方孕育咗好多重要嘅人物,當中最偉大嘅就包括作曲家Frico Kafenda(1883年1963年)、作家Anna Lacková-Zora(1899年1988年)、集文學評論家歷史學家詩人身份於一身嘅Štefan Krčméry(1892年1955年)、巴洛克劇作家Júr Tesák Mošovský、業餘消防隊嘅創辦人同埋Miloslav Schmidt。

但係要數喺摩受采出生最重要嘅人,咁就非Ján Kollár莫屬。Ján Kollár(1793年1852年)係一位斯拉夫詩人哲學家同埋信義宗傳教士。佢嘅作品影響非常廣泛,其中詩劇Slávy Dcera好深刻咁影響至少兩個國家嘅文學。佢嘅作品充滿住當代愛國主義民族活動家嘅熱情,當中好多已經被翻譯成為各種斯拉夫同埋非斯拉夫語言

外面嘅連結 編輯

畫廊 編輯