18世紀
世紀
1701年至1800年呢一段期間俾人叫做18世紀。呢個世紀注重嘅係「穩定」同「和諧」，同時亦係人類對自然探索嘅萌芽期。政治上，歐洲各國開始同中國、印度，重有土耳其進行小規模嘅通商貿易，重持續響東南亞同大洋州建立殖民據點。呢個時候多數嘅王權國家（如清、蒙兀兒帝國、法蘭西帝國、奧圖曼土耳其、奧地利帝國、俄羅斯帝國）正係響全盛時期，但民主思潮亦逐漸燃起，最終引發美國獨立戰爭同法國大革命，對後世影響深遠。學術上，西歐興起啟蒙運動，挑戰基督教教會嘅思想體系，令科學嘅成果感染到社會各個層面，而歐洲以外地區亦透過傳教同貿易嘅方式接觸呢股思潮，產生小規模嘅學術復興運動。
另外，由於商業需要，部分技術應運而生，成為工業革命嘅濫觴。而喺技術外，生產同管理方式響西歐逐漸發生改變：傳統世襲嘅學徒制逐漸被破壞，分工同工廠生產方式開始抬頭。
藝術同文化方面，追尋希臘同古羅馬風格嘅新古典主義盛行西方世界，重影響埋印度同中國嘅宮廷藝術。但同時，中國同大洋洲嘅文化物品流入歐洲，令西方世界嘅上流社會吹起非常表面嘅異國風。
重要事件、發展同成就
編輯- 工業革命開始
科學技術
編輯- 蒸汽機技術被改良同廣泛應用