撐龍舟 (足球)

撐龍舟本來係指端午節嘅活動;即係十幾廿人每人揸碌坐喺一條龍舟度,將支槳由前向後咁划係咁撐,條舟就會向前逳。而每年端午搞嘅爬龍舟比賽,叫做「龍舟競渡」。

而喺足球界,當有高空飛埋去一個球員度,球員用後尾枕頂個波去自己後面,就叫做撐龍舟。呢招有人愛嚟解圍,有人愛嚟瓦解兩邊出波嘅攻勢,甚至有人愛嚟攻門。雖然撐龍舟通常無乜力,但係隨時殺守門員一個措手不及,就咁被呢一招陰到。

更多時候係防守球員判斷高空波來勢出錯,本來想用正額嚟頂波,點知個波就喺頭頂跣過,或者直情用後尾枕頂到應。由於係防守球員頂後,進攻球員就算明明喺越位位都變唔越位,於是守方就係咁賴嘢。