撒瑪利亞會
呢篇文講全球性機構撒瑪利亞會。想搵另一個香港機構嘅話，請睇香港撒瑪利亞防止自殺會。撒瑪利亞會（英文：Samaritans）係一間註冊志願機構，以英國同愛爾蘭共和國為基地，為情緒受困擾同企圖自殺嘅人提供支援。「撒瑪利亞會」嘅名源自聖經好撒瑪利亞人嘅故事，但佢本身並冇宗教立場。
歷史
編輯1950年代，英國聖公會倫敦沃爾布魯克聖司提反堂主任牧師陳華樂喺牧民嘅過程中發現，社會上缺乏支援企圖自殺者嘅服務。而當時嘅倫敦，每日平均就有三個人自殺。有見及此，陳牧師喺1953年創辦撒瑪利亞會。其後會務發展迅速，在10年間設立了 40 個支部，至今已經擁有超過 200 個，遍佈英國同愛爾蘭地區。現時撒瑪利亞會嘅支援服務，全數依賴經過訓練嘅義工負責，約18,000人。
撒瑪利亞會「Samaritans」呢個名字並非陳華樂選用，而係引用英國《每日鏡報》（Daily Mirror）一篇有關陳牧師工作嘅文章標題。部份會內人士認為，呢個名會令人誤解佢哋根據基督教教義工作，然而，撒瑪利亞會並冇任何宗教立場。但撒瑪利亞會呢個名，喺英國已經廣為人知，所以重新改名嘅機會唔大。
2004年，撒瑪利亞會表示現時佢哋義工嘅數目，係近30年嚟最少嘅，故此展開計劃招募更多年輕義工（尤其是18-24歲嘅青年）。推動計劃嘅菲利普·塞爾韋，係英國樂團電台司令嘅鼓手同撒瑪利亞會嘅義工。
工作範圍
編輯撒瑪利亞會主要提供全年無休嘅支援電話熱線，並提供外展服務，例如節目探訪同舉辦其他戶外活動；亦會培訓在囚士人，讓佢哋喺監獄中擔當「聆聲者」嘅角色，為其他囚犯提供支援。此外，撒瑪利亞會亦會從事有關自殺同精神健康嘅研究。
撒瑪利亞會強調，佢哋提供嘅服務唔係「輔導」，佢哋亦唔會向求助人提供意見。撒瑪利亞會只會擔當聆聽者嘅角色，讓求助人傾訴自己嘅問題。撒瑪利亞會希望，喺一個冇咀齒嘅情況下，分擔求助者嘅不安情緒，長遠減少自殺人數。撒瑪利亞會相信，可靠同冇偏見嘅聆聽者，可以緩和絕望同自殺嘅念頭。撒瑪利亞會亦著意推廣情緒健康嘅概念。
1994年開始，撒瑪利亞會開始提供保密嘅電郵支援服務。由屬下嘅一間支部開始，呢個服務已經擴展到大部份支部，並由撒瑪利亞會總部辦公室統籌。每年撒瑪利亞會都收到數以萬計嘅電郵求助，而佢哋嘅目標係喺24小時內回覆每一封電郵。
2006年4月，撒瑪利亞會在英國和愛爾蘭地區，提供SMS短訊服務，提供情緒支援。該服務24小時運作，全年無休。撒瑪利亞會收到短訊，會儘可能於10分鐘內回覆，並且絕對保密。
保密
編輯雖然撒瑪利亞會以保密原則運作，但自1994年起，撒瑪利亞會將保留求助者嘅資料，包括對話內容嘅大要、過往來電嘅記錄同佢哋有冇以其他身份來電。由於撒瑪利亞會經常接到騷擾電話，而呢啲並唔係需要支援嘅來電，會影響接聽真正求助者嘅機會。
